* అత్యంత వైభవంగా మంత్రి రామానాయుడు కుమార్తె శ్రీజ నిశ్చితార్థ వేడుక
* మంత్రి లోకేష్ తో పాటు, వేడుకకు హాజరుకానున్న ప్రముఖులు
* స్పీకర్ అయ్యన్నపాత్రుడు, మంత్రులు, ప్రముఖుల రాకతో కొలహలంగా మారిన పాలకొల్లు
నమస్తే భారత్, పాలకొల్లు, ఆగస్టు -16 : పాలకొల్లు హ్యాట్రిక్ ఎమ్మెల్యే, రాష్ట్ర జల వనరుల అభివృద్ధి శాఖ మంత్రి డాక్టర్ నిమ్మల రామానాయుడు కుమార్తె శ్రీజ నిశ్చితార్థం వేడుకలు ఆదివారం బ్రాడీపేట బైపాస్ రోడ్డు వద్ద ఎస్- కన్వెన్షన్ కళ్యాణ మండపంలో ఉదయం 7:16 గంటలకు నిర్వహించే నిశ్చితార్థ వేడుకకు తెలుగుదేశం పార్టీ జాతీయ ప్రధాన కార్యదర్శి,రాష్ట్ర విద్యాశాఖ మంత్రి నారా లోకేష్ హాజరుకానున్నారని మంత్రి కార్యాలయ ప్రతినిధి శనివారం ఒక ప్రకటనలో తెలిపారు. మంత్రి రామానాయుడు ఏకైక కుమార్తె శ్రీజ, పవన్ ల నిశ్చితార్థ మహోత్సవంలో మంత్రి లోకేష్ తో పాటు, రాష్ట్ర అసెంబ్లీ స్పీకర్ అయ్యన్నపాత్రుడు, పలువురు రాష్ట్ర మంత్రులు, ఎమ్మెల్యేలు,ఎమ్మెల్సీలు, టిడిపి, జనసేన, బిజెపి పార్టీలకు చెందిన ముఖ్య నాయకులు, ప్రముఖులు విచ్చేయనున్నట్లు వారు తెలిపారు.
