కొల్లాపూర్ : రాష్ట్రంలో అధికారంలోకి వచ్చినప్పటి నుంచి కాంగ్రెస్‌ పార్టీ కక్షపూరిత రాజకీయాలకు పాల్పడుతున్నది. మరీ ముఖ్యంగా బీఆర్‌ఎస్‌ పార్టీని టార్గెట్‌ చేస్తూ వివిధ రకాలుగా దాడులకు పాల్పడుతున్నది. మరికొన్ని చోట్ల ప్రభుత్వ పథకాలను అడ్డుకుంటూ పైశాచిక ఆనందం పొందుతున్నారు. కాగా, నాగర్‌ కర్నూల్ జిల్లా కోడేరు మండల కేంద్రానికి చెందిన వితంతు మహిళను ఇల్లు కూలిపోయిన ఇందిరమ్మ ఇల్లు మంజూరు చేయకుండా అధికార పార్టీ నాయకులు వేధిస్తున్నారని సదరు మహిళ మాజీ ఎమ్మెల్యే బీరం హర్షవర్ధన్ రెడ్డి ఎదుట ఆవేదన వ్యక్తం చేసింది.
