సిద్దాంతి స్మశాన వాటికలో వాటర్ సమస్యపై దృష్టి పెట్టిన ఎమ్మెల్యే ప్రకాష్ గౌడ్
నమస్తే భారత్,శంషాబాద్, సిద్ధాంతి కాలనీ,తక్షణమే సమస్యను పరిష్కరించాలని అధికారులకు ఆదేశం.
నీటిపారుదల శాఖ (ఇరిగేషన్) డీఈ సతీష్ గారు సమస్యని తనిఖీ చేశారు.
త్వరలోనే సమాధుల మధ్య నిల్చిన నీటిని తొలగిస్తామని హామీ.
స్థానిక సిద్దాంతి స్మశాన వాటిక దగ్గరలో నెలకొన్న తీవ్రమైన నీటి సమస్యపై స్థానిక ఎమ్మెల్యే ప్రకాష్ గౌడ్ వెంటనే స్పందించారు. వర్షాల కారణంగా లేదా ఇతర కారణాల వల్ల స్మశాన వాటికలోని సమాధుల మధ్య నీరు నిలిచిపోవడం వల్ల స్థానికులు ఎదుర్కొంటున్న ఇబ్బందులను ఆయన దృష్టికి తీసుకురావడం జరిగింది.
సమస్య తీవ్రతను తెలుసుకున్న ఎమ్మెల్యే ప్రకాష్ గౌడ్ వెంటనే సంబంధిత అధికారులను అప్రమత్తం చేశారు. ఈ సమస్యను తక్షణమే పరిష్కరించాలని, దీనికి సంబంధించిన శాశ్వత చర్యలు చేపట్టాలని అధికారులను ఆదేశించారు.
ఎమ్మెల్యే ఆదేశాల మేరకు, ఇరిగేషన్ డిపార్టుమెంట్ డీఈ సతీష్ సమస్య ఉన్న ప్రాంతాన్ని స్వయంగా సందర్శించి, క్షేత్ర స్థాయిలో తనిఖీ (ఇన్స్పెక్షన్) నిర్వహించారు. ఈ సందర్భంగా ఆయన మాట్లాడుతూ, "సమస్యను పరిశీలించడం జరిగింది. త్వరలోనే సమాధుల మధ్య నిల్చిన నీటిని తొలగిస్తాం" అని హామీ ఇచ్చారు.
ప్రజా సమస్యల పరిష్కారానికి ఎమ్మెల్యే ప్రకాష్ గౌడ్ చేస్తున్న కృషిని స్థానికులు అభినందిస్తున్నారు. నీటి సమస్య త్వరలోనే పరిష్కారం కానుందనే అధికారుల హామీతో (GS ప్రభాకర్) గారి చొరవతో స్మశాన
వాటికకు వచ్చే ప్రజలు ఊరట చెందారు.
