తుగ్గలి:(నమస్తే భారత్) కర్నూలు జిల్లా రిపోర్టర్ చిప్పగిరి రాము: పౌర హక్కుల దినోత్సవం సందర్భంగా రెవెన్యూ అధికారులు ప్రజలకు అవగాహన కార్యక్రమాన్ని నిర్వహించారు.శనివారం రోజున తుగ్గలి మండల పరిధిలోని గల జొన్నగిరి గ్రామం నందు రెవెన్యూ అధికారులు గ్రామ ప్రజలకు పౌర హక్కులపై అవగాహన కల్పించారు. ఈ కార్యక్రమంలో భాగంగా రెవెన్యూ ఇన్స్పెక్టర్ వెంకటరాముడు మాట్లాడుతూ ప్రజలందరూ హక్కుల గురించి అవగాహన కలిగి ఉండాలని తెలియజేశారు.ప్రస్తుత సమాజంలో ప్రతి పౌరునికి గల హక్కులను ప్రతి ఒక్కరూ తెలుసుకోవాలని ఆయన తెలియజేశారు.ప్రతి ఒక్కరూ హక్కులపై మరియు చట్టాలపై అవగాహన కలిగి ఉండాలని వారు తెలియజేశారు. ఈ కార్యక్రమంలో వీఆర్వో కాశీ రంగస్వామి, వీఆర్వో గోపాలకృష్ణ, జొన్నగిరి హాస్టల్ వెల్ఫేర్ ఆఫీసర్ రమేష్,జొన్నగిరి పోలీస్ సిబ్బంది, సిఆర్పి నాగేష్,జొన్నగిరి గ్రామ ప్రజలు తదితరులు పాల్గొన్నారు.
