ఘనంగా మైసమ్మ బోనాల పండుగ

నమస్తే భారత్ / మద్దూరు, (మే 6) : మద్దూరు మండల కేంద్రంలోని ఫతేపూర్ మైసమ్మ బోనాల పండుగను మంగళవారం గ్రామస్తులు ఘనంగా నిర్వహించారు. ఉదయం జల్ది బిందె తీసుకువచ్చి అమ్మవారికి అభిషేకం చేశారు. అనంతరం అన్నదానం చేశారు. సాయంత్రం గ్రామంలోని వివిధ వీధుల నుండి డప్పు వాయిద్యాల మధ్య ఊరేగింపుతో ఆలయానికి చేరుకొని అమ్మవారికి బోనాలు, నైవేద్యాలు సమర్పించి ప్రత్యేక పూజలు చేశారు.రాబోయే వర్షాకాలంలో సమృద్ధిగా వర్షాలు కురిసి పంటలు బాగా పండాలని, గ్రామస్తులు ఆయురారోగ్యాలతో ఉండాలని కోరుకుంటూ బోనాలు సమర్పించుకున్నారు. కార్యక్రమంలో ఆలయ నిర్వాహకులతో పాటు భక్తులు పెద్ద మొత్తంలో పాల్గొన్నారు.