ఆందోళనకారులు పోలింగ్ సిబ్బంది, సామాగ్రిని ధ్వంసం చేయడానికి ప్రయత్నించడంతో పోలీసులు స్వల్ప లాఠీచార్జి నిర్వహించారు. దీనికి ప్రతిగా నిరసనకారులు పోలీసు అధికారులపై, పోలీసు వాహనాలపై రాళ్లు రువ్వడంతో నలుగురు పోలీసు సిబ్బందికి గాయాలయ్యాయి. రెండు పోలీసు వాహనాలు కూడా ధ్వంసమయ్యాయి.
పరిస్థితి మరింత ఉద్రిక్తంగా మారడంతో ప్రజల భద్రత, శాంతిభద్రతల పరిరక్షణ దృష్ట్యా పోలీసులు గాల్లోకి కాల్పులు జరిపి ఆందోళనకారులను చెదరగొట్టారు. అనంతరం బ్యాలెట్ బాక్సులు, పోలింగ్ సిబ్బందిని పటిష్ట బందోబస్తు మధ్య సురక్షితంగా అక్కడి నుంచి తరలించారు.
ఈ ఘటనపై రిటర్నింగ్ అధికారి, పోలీసు అధికారుల ఫిర్యాదుల మేరకు, అలాగే మోడల్ కోడ్ ఆఫ్ కండక్ట్ ఉల్లంఘనకు సంబంధించి వెల్గటూర్ పోలీస్ స్టేషన్లో సంబంధిత వ్యక్తులపై రెండు కేసులు నమోదు చేసినట్లు పోలీసులు తెలిపారు.
ఘటనకు బాధ్యులైన వారిపై చట్టప్రకారం కఠిన చర్యలు తీసుకుంటామని డీఎస్పీ డి. రఘు చందర్ స్పష్టం చేశారు.
Namasthe Bharat
