ప్రభుత్వ విప్ ,డోర్నకల్ ఎమ్మెల్యే డాక్టర్ జాటోత్ రామచంద్రు నాయక్
నమస్తే భారత్:-మరిపెడ
స్థానిక సంస్థల ఎన్నికల్లో కాంగ్రెస్ పార్టీ బలపరిచిన సర్పంచ్ అభ్యర్థులను గెలిపించాలని ప్రభుత్వ విప్ ,డోర్నకల్ శాసన సభ్యులు డాక్టర్ జాటోత్ రామచంధ్రు నాయక్ అన్నారు ,ఈ రోజు మరిపెడ మండల కేంద్రంలోనీ భార్గవ ఫంక్షన్ హాల్ లో జరిగిన కాంగ్రెస్ పార్టీ నియోజక వర్గ స్థాయి సర్వ సభ్య సమావేశానికి ముఖ్య అతిథిగా పాల్గొన్న ఆయన మాట్లాడుతూ స్థానిక సంస్థల ఎన్నికల్లో కాంగ్రెస్ పార్టీ బలపరిచిన అభ్యర్థులను సర్పంచ్గా గెలిపించాలని ప్రజలను కోరారు, కాంగ్రెస్ పార్టీ ఇచ్చిన మాట ప్రకారం ప్రజారంజక పాలనతో ఇచ్చిన హామీలు ఒక్కొక్కటిగా నెరవేర్చుకుంటూ సమర్థవంతమైన పాలన కొనసాగిస్తుందని అన్నారు. పేదలకు సన్న బియ్యం మహిళలకు ఉచిత బస్సు ప్రయాణం, రైతులకు రుణమాఫీ, రైతు భరోసా,ఉచిత విద్యుత్ సౌకర్యం ,వంటి సంక్షేమ పథకాలతో కాంగ్రెస్ పార్టీ ప్రజలకు అండదండగా నిలుస్తుందని అన్నారు.రేవంత్ రెడ్డి ఈ రాష్ట్ర ప్రజల ప్రయోజనార్థం ఆవిరల కృషి చేస్తూ మిగిలిన హామీలను కూడా తప్పక నెరవేరుస్తారని కాబట్టి ప్రజలు పెద్ద మనసుతో గత అసెంబ్లీ ఎన్నికల్లో కాంగ్రెస్ పార్టీని ఆదరించిన విధంగానే ఈ స్థానిక సంస్థల ఎన్నికల్లో కాంగ్రెస్ పార్టీ బలపరిచిన అభ్యర్థులను భారీ మెజార్టీతో గెలిపించి మీ మీ గ్రామాల అభివృద్ధికి బాటలు వేయవలసిందిగా కోరారు, ఏకగ్రీవమైన చిన్న గ్రామపంచాయతీలకు ఐదు లక్షల రూపాయలు పెద్ద గ్రామ పంచాయతీలకు పది లక్షల రూపాయల చొప్పున ఎస్డిఎఫ్ నిధుల నుండి ప్రతి సంవత్సరం కేటాయించి ఆయా గ్రామాలను సర్వోన్నతంగా తీర్చిదిద్దుతానని హామీ ఇచ్చారు,ఎన్నికల్లో పార్టీ శ్రేణులు ఆశావాహులు రాష్ట్ర పార్టీ ఆదేశాల మేరకు టికెట్ ఇచ్చిన వారికి పనిచేసి భారీ మెజార్టీతో గెలిపించాలని ఐక్యమత్యంతో కలిసి మెలిసి పనిచేసి మన సత్తా చాటాలని పిలుపునిచ్చారు ఈ కార్యక్రమానికి విశిష్ట అతిథిగా కాంగ్రెస్ పార్టీ జిల్లా అధ్యక్షురాలు ఉమానాయక్ , ఫైనాన్స్ కమిషన్ సభ్యులు మాలోత్ నెహ్రూ నాయక్ కాంగ్రెస్ పార్టీ జిల్లా నాయకులు ఒంటికొమ్ము యుగంధర్ రెడ్డి, జిల్లా పార్టీ యువ నాయకులు నూకల అభినవరెడ్డి,మరిపెడ మండల కాంగ్రెస్ పార్టీ అధ్యక్షులు పెండ్లి రఘువీరారెడ్డి, కొరవి మండల అధ్యక్షులు అంబటి వీరభద్రం, చిన్న గూడూరు మండల అధ్యక్షులు,మారబోయిన వెంకటేశ్వర్లు, దంతాలపల్లి మండల అధ్యక్షులు భట్టు నాయక్ ,ఇంకా నర్సింహులపేట సీరోలు ,డోర్నకల్ మండలాల అధ్యక్షులు వ్యవసాయ కమిటీ మార్కెట్ చైర్మన్లు ఇస్లావత్ సుధాకర్ నాయక్,పెదబోయిన ఐలమల్లు,పట్టణ అధ్యక్షులు షేక్ తాజుద్దీన్ తదితరులు పాల్గొన్నారు.
