టిపిసిసి ఉపాధ్యక్షురాలు ఝాన్సీ రెడ్డి
నమస్తే భారత్ :-తొర్రూరు
స్థానిక సంస్థల ఎన్నికల్లో కాంగ్రెస్ పార్టీ అభ్యర్థులను భారీ మెజార్టీతో గెలిపించాలని టిపిసిసి ఉపాధ్యక్షురాలు, పాలకుర్తి నియోజకవర్గం ఇంచార్జ్ హనుమాండ్ల ఝాన్సీ రాజేందర్ రెడ్డి అన్నారు. గురువారం డివిజన్ కేంద్రంలోని కాంగ్రెస్ పార్టీ క్యాంపు కార్యాలయంలో మండలంలోని పెద్దమంగ్య తండాలో బిఆర్ఎస్‌కు చెందిన పలువురు ఆ పార్టీకి రాజీనామా చేసి ఝాన్సీ రెడ్డి సమక్షంలో కాంగ్రెస్ పార్టీలో చేరారు. బిఆర్ఎస్ వార్డు సభ్యులు, నాయకులు జాటోత్ దేవా నాయక్, యకు నాయక్, లింగా నాయక్, దేవా,మోహన్ నాయక్, రమేష్ నాయక్, శ్రావణ్ నాయక్, కుమార్ నాయక్, పూల్ సింగ్ నాయక్, ధర్మా నాయక్, సుధాకర్ నాయక్ లను కాంగ్రెస్ పార్టీ కండువా కప్పి పార్టీలోకి ఆహ్వానించారు. ఈ సందర్భంగా ఝాన్సీ రెడ్డి మాట్లాడుతూ పాలకుర్తి నియోజకవర్గంలో బిఆర్ఎస్ పార్టీ గల్లంతయిందని, నియోజకవర్గంలోని పలు మండలాల్లో సర్పంచ్ గా పోటీ చేసేందుకు బిఆర్ఎస్ పార్టీ నాయకులు ముందుకు రావడం లేదన్నారు. స్థానిక సంస్థల ఎన్నికల్లో అన్ని సర్పంచ్ స్థానాలను కాంగ్రెస్ పార్టీ కైవసం చేసుకోవడం ఖాయమన్నారు. ఈ కార్యక్రమంలో బ్లాక్ కాంగ్రెస్ అధ్యక్షుడు జాటోత్ హమ్యా నాయక్, మండల వర్కింగ్ ప్రెసిడెంట్ మేకల కుమార్, పట్టణ అధ్యక్షుడు సోమ రాజశేఖర్, ఎస్టీ సెల్ మండల అధ్యక్షుడు జాటోత్ రవి నాయక్,నాయకులు జాటోత్ రాంలాల్ నాయక్, చిన్న మంగ్య నాయక్, జాటోత్ సంతోష్ నాయక్ తదితరులు పాల్గొన్నారు.
