* రైల్వే స్టేషన్ సమీపంలో బోల్తా పడిన కర్ణాటక ఆర్టీసీ బస్సు.
తుగ్గలి:(నమస్తే భారత్) కర్నూల్ జిల్లా రిపోర్టర్ చిప్పగిరి రాము: తుగ్గలి మండల పరిధిలోని గల రైల్వే స్టేషన్ సమీపము నందు బెంగళూరు నుండి మంత్రాలయం కు వెళ్తున్న కేఏ 43 ఎఫ్ 0834 కర్ణాటక ఆర్టీసీ బస్సు బోల్తా పడింది.శనివారం రోజున ఉదయం 5:30 గంటల సమయమప్పుడు డ్రైవర్ బస్సును అదుపు చేయలేక పక్కన ఉన్న పొలాలలోకి వెళ్లి బోల్తా పడింది.బస్సులో 29 మంది ప్రయాణికులు ఉండగా, ఇద్దరికీ స్వల్ప గాయాలైనట్లు రూరల్ సీఐ పులి శేఖర్ గౌడ్,తుగ్గలి ఎస్సై బాల నరసింహులు తెలియజేశారు.ఎవరికి ఎటువంటి ప్రాణ నష్టం జరగలేదని వారు తెలియజేశారు. విషయం తెలుసుకున్న రూరల్ సీఐ పులి శేఖర్ గౌడ్,తుగ్గలి ఎస్సై బాల నరసింహులు తన సిబ్బందితో సంఘటనా స్థలానికి చేరుకొని పరిస్థితులను చక్కదిద్దారు. ఎవరికి ఇటువంటి ప్రమాదం జరగలేదని, స్వల్ప గాయాలైన వారిని పత్తికొండ ప్రభుత్వ ఆసుపత్రికి తరలించినట్లు వారు తెలియజేశారు.బస్సులో ప్రయాణిస్తున్న బెంగళూరుకు చెందిన కిరణ్ ఫిర్యాదు మేరకు కేసు నమోదు చేసి విచారణ చేపట్టినట్లు వారు తెలియజేశారు.
