నారాయణపేట జిల్లా / నమస్తే భారత్
హిందూ ధర్మ పరిరక్షణ కోసం ప్రాణాలు అర్పించిన వారిని స్మరిస్తూ నారాయణపేట జిల్లా బజరంగ్ దళ్ ఆధ్వర్యంలో శనివారం ఏర్పాటు చేసిన రక్తదాన శిబిరం విజయవంతమైంది. కార్యక్రమానికి ముఖ్య అతిథులుగా బజరంగ్దళ్ తెలంగాణ ప్రాంత సంయోజక్ శివరాములు, బిజెపి సీనియర్ నాగురావు నామాజీ, విశ్వహిందూ పరిషత్ జిల్లా కార్యదర్శి కన్న శివ కుమార్ హాజరై శిబిరాన్ని ప్రారంభించారు. ఈ సందర్భంగా వారు మాట్లాడుతూ రక్తదాన శిబిరం ద్వారా ప్రాణాపాయ స్థితిలో ఉన్న వారికి ప్రాణం పోసిన వారం అవుతామన్నారు. యువత స్వచ్ఛదంగా రక్త దాన శిబిరాల్లో పాల్గొని రక్త దానం చేయాలన్నారు. రక్తదాన శిబిరంలో భాగంగా 60 యూనిట్ల రక్తం సేకరించారు. కార్యక్రమంలో విశ్వహిందూ పరిషత్ నగర అధ్యక్షులు మురళి భట్టడ్, కార్యదర్శి ప్రవీణ్, వడ్ల శ్రావణ్ విశ్వహిందూ పరిషత్, బజరంగ్దళ్ నాయకులు కార్యకర్తలు తదితరులు పాల్గొన్నారు.
