షాద్ నగర్ చెస్ కోచ్ వానరసి జగన్ కి అర్బిటర్‌గా మొదటి నామ్ గుర్తింపు

 సీనియర్ నేషనల్ అర్బిటర్‌గా తొలి నామినేషన్

నమస్తే భారత్ షాద్ నగర్ జులై04:చదరంగం ఆటలో వ్యూహాత్మక ఎత్తుగడలతో ఎదుటివారిని చిత్తు చేయడం ఒక ఎత్తు అయితే, న్యాయ నిర్ణేతగా (అర్బిటర్‌) ఆటను నిష్పాక్షికంగా నిర్వహించడం మరో గొప్ప సవాలు. ఈ సవాలును సమర్థవంతంగా అధిగమించి, రంగారెడ్డి జిల్లా షాద్‌నగర్‌కు చెందిన చెస్ కోచ్ వానరసి జగన్ సీనియర్ నేషనల్ అర్బిటర్‌గా తొలి నామినేషన్‌ (ఫస్ట్ నామ్) సాధించారు. చెస్ కోచ్‌గా తన విద్యార్థులను విజయపథంలో నడిపిస్తూనే, అర్బిటర్‌గా జాతీయ స్థాయి గుర్తింపు పొందడం ఆయన కెరీర్‌లో ఒక అరుదైన ఘనత.గత నెల హైదరాబాద్‌లోని లాల్ బహదూర్ ఇండోర్ స్టేడియంలో జూన్ 26 నుంచి 30వ తేదీ వరకు ఐదు రోజుల పాటు జరిగిన కోనేరు పూర్ణచంద్రరావు స్మారక ఆల్ ఇండియా ఫిడే రేటింగ్ చెస్ టోర్నమెంట్లో వానరసి జగన్ అర్బిటర్‌గా విధులు నిర్వహించారు. హైదరాబాద్ చెస్ అసోసియేషన్ ఆధ్వర్యంలో నిర్వహితమైన ఈ టోర్నమెంట్‌లో 576 మంది క్రీడాకారులు పాల్గొన్నారు. అంతర్జాతీయ ప్రమాణాలకు అనుగుణంగా నిర్వహించబడిన ఈ పోటీలో, జగన్ తన నిష్పాక్షికత, నిపుణత్వంతో అర్బిటర్‌గా అత్యుత్తమ ప్రతిభను ప్రదర్శించారు. ఈ సమర్థవంతమైన నిర్వహణ ఆధారంగా, ఆల్ ఇండియా చెస్ ఫెడరేషన్ ఆయనకు సీనియర్ నేషనల్ అర్బిటర్‌ స్థాయికి తొలి నామినేషన్‌ ప్రకటించింది.ఈ గుర్తింపును గౌరవప్రదంగా ద్రోణాచార్య అవార్డు గ్రహీత కోనేరు హంపి తండ్రి కోనేరు అశోక్,  ఆల్ ఇండియా చెస్ ఫెడరేషన్ చెస్ ఇన్ స్కూల్ చైర్మన్ కేఎస్ ప్రసాద్ సంయుక్తంగా వానరసి జగన్‌కు అవార్డు పత్రాన్ని అందజేశారు. ఈ అరుదైన గౌరవం షాద్‌నగర్‌కు చెందిన ఈ చెస్ కోచ్‌కు జాతీయ స్థాయిలో మరో అడుగు ముందుకు వేసే సందర్భంగా నిలిచింది.వానరసి జగన్ ఈ సందర్భంగా మాట్లాడుతూ, “సీనియర్ నేషనల్ అర్బిటర్‌గా ఎన్నిక కావడం ప్రతి చెస్ కోచ్‌కు ఒక కల. ఆ కల నీటితో నెరవేరడం నాకు అత్యంత ఆనందాన్ని కలిగించింది. న్యాయంగా, నిపుణత్వంతో చదరంగం ఆటను ప్రోత్సహించడమే నా లక్ష్యం. యువతలో ఈ ఆటపై ఆసక్తిని పెంచేందుకు, చదరంగం అభివృద్ధికి నా వంతు కృషి చేస్తాను,” అని అన్నారు.ఈ ఘనతతో షాద్‌నగర్‌కు గర్వకారణంగా నిలిచిన వానరసి జగన్‌కు స్థానికంగా, రాష్ట్రవ్యాప్తంగా అభినందనలు వెల్లువెత్తుతున్నాయి. ఆయన ఈ గుర్తింపును తన విద్యార్థులకు, చెస్ సమాజానికి, షాద్‌నగర్‌కు అంకితం చేశారు. చదరంగం రంగంలో ఆయన భవిష్యత్ ప్రయాణం మరింత ఉజ్వలంగా, సఫలవంతంగా సాగాలని చెస్ ప్రియులు ఆకాంక్షిస్తున్నారు.ఈతెలంగాణ చెస్  అసోసియేషన్ అధ్యక్షురాలు రెడ్డి రెడ్డి లక్ష్మి, జనరల్ సెక్రెటరీ జయచంద్ర, కోశాధికారి పుణ్యవతి,చీఫ్ ఆర్బిటర్ ఆర్ చంద్రమౌళి, శ్రీరామ్,సున్జయ్, ఆర్బిటర్స్ తదితరులు పాల్గొన్నారు.