హైదరాబాదులో హత్య కుట్ర చేధించి,  క్రూరమైన నేర చరిత్ర కలిగిన  ఐదుగురు నిందితులు అరెస్ట్ – రూ. 40,000 నగదు, సెల్‌ఫోన్లు స్వాధీనం

హైదరాబాద్, 8 జూలై – న్యాయమిత్ర న్యూస్

హైదరాబాద్ నగరంలో  టాస్క్ ఫోర్స్ కమిషనర్ సౌత్ జోన్ మరియు ఫలక్‌నుమా పోలీసుల సంయుక్త చర్యలో క్రూరమైన నేర చరిత్ర కలిగిన  ఐదుగురు  నిందితులను అరెస్ట్ చేశారు. ఈ గ్యాంగ్ హత్యకు కుట్ర పన్నినట్లు పోలీసులు గుర్తించారు. నిందితుల వద్ద నుంచి రూ. 40,000 నగదు మరియు రెండు సెల్‌ఫోన్లు స్వాధీనం చేసుకున్నారు. ఈ కేసు ఫలక్‌నుమా పోలీస్ స్టేషన్‌లో Cr.No.268/2025 U/s 61(2)(a) BNS కింద నమోదు చేయబడింది.

అరెస్టైన నిందితులు వివరాలు 1) సయ్యద్ ఫయ్యాజ్ (39), రియల్ ఎస్టేట్ వ్యాపారి, ఫలక్‌నుమా, 2) సయ్యద్ జాఫర్ ఉద్దీన్ @ అబ్బు (40), రియల్ ఎస్టేట్ వ్యాపారి, ఫలక్‌నుమా, 3) మొహమ్మద్ ఖలీల్‌ఉద్దీన్ (30), ప్రైవేట్ ఉద్యోగి, ఫలక్‌నుమా (సస్పెక్ట్ షీటర్), 4) మొహమ్మద్ ఇబ్రాహీం (30), డ్రైవర్, మైలార్‌దేవ్‌పల్లి (రోడీ షీటర్)
మరియు 5) సయ్యద్ యూనుస్ @ అజ్జు (28), ఫలక్‌నుమా నివాసముంటున్నరు. 

ఈ నిందితులంతా హైదరాబాద్‌లో పుట్టి పెరిగినవారు. ప్రధాన నిందితుడు సయ్యద్ ఫయ్యాజ్ రియల్ ఎస్టేట్ వ్యాపారంతో పాటు వివాదాస్పద భూముల సెటిల్మెంట్లలో కూడా పాల్గొంటున్నాడు. అతనికి దుండిగల్ పోలీస్ స్టేషన్‌కు చెందిన రౌడీ షీటర్ ముజాహిద్ @ ముజ్జుతో గతంలో ఆర్థిక వివాదాల నేపథ్యంలో శత్రుత్వం ఏర్పడింది. ముజాహిద్ ఇటీవల పరోల్‌పై జైలు నుంచి విడుదలయ్యాడు. అతను తనను హత్య చేయబోతున్నాడని భావించిన ఫయ్యాజ్, ముందస్తుగా ముజాహిద్‌ను హత్య చేయించాలని కుట్ర పన్నాడు.

ఈ హత్యకు రూ.15 లక్షలు ఇవ్వాలని ఒప్పందం కుదుర్చుకొని, ముందుగా రూ. 40,000 అడ్వాన్స్‌గా చెల్లించాడు. ఈ సమాచారం ఆధారంగా టాస్క్ ఫోర్స్ మరియు ఫలక్‌నుమా పోలీసులు సంయుక్తంగా నిందితులను అరెస్ట్ చేసి, నగదు మరియు సెల్‌ఫోన్లను స్వాధీనం చేసుకున్నారు.

ఈ ఆపరేషన్‌ను శ్రీ ఎస్. రాఘవేంద్ర (ఇన్‌స్పెక్టర్, సౌత్ జోన్), శ్రీ కె. ఆది రెడ్డి (ఇన్‌స్పెక్టర్, ఫలక్‌నుమా), ఎస్‌ఐలు నావీన్, సమీయుజ్ జామా, మహేష్ మరియు టాస్క్ ఫోర్స్ సిబ్బంది సమర్థవంతంగా నిర్వహించారు. కేసు దర్యాప్తు కొనసాగుతోంది., ఈ సందర్భంగా శ్రీ అందే శ్రీనివాసరావు
అడిషనల్ డిప్యూటీ కమిషనర్ ఆఫ్ పోలీస్, టాస్క్ ఫోర్స్, హైదరాబాద్ నగరం ప్రకటన ద్వారా తెలియజేశారు.