షాద్ నగర్ కు 250 టన్నుల యూరియా తక్షణమే విడుదల

  నమస్తే భరత్-షాద్ నగర్- జులై 24:
 ఎంపీ డీకే అరుణ సహకారంతో మార్క్ ఫెడ్ అధికారులను కలుసుకున్న పాలమూరు విష్ణు 

బిజెపి రాష్ట్ర కార్యవర్గ సభ్యులు పాలమూరు విష్ణువర్ధన్ రెడ్డి మహబూబ్ నగర్ పార్లమెంటు సభ్యురాలు డీకే అరుణమ్మ గారి సూచన మేరకు తెలంగాణ మార్క్ ఫెడ్ జనరల్ మేనేజర్ విష్ణువర్ధన్ రావుని కలిసి షాద్ నగర్ నియోజకవర్గంలో గల యూరియా కొరత గురించి ఆయన దృష్టికి తీసుకురాగా ఆ సమస్య గురించి పార్లమెంటు సభ్యురాలు డీకే అరుణమ్మ  తమతో మాట్లాడిన విషయం తెలిపి ఎంపీ సూచన మేరకు షాద్ నగర్ నియోజకవర్గంలో విరివిగా కురుస్తున్న వర్షాన్ని దృష్టిలో ఉంచుకొని  షాద్ నగర్ నియోజకవర్గ రైతులకు అదనంగా  250 టన్నుల యూరియా ఈరోజే తక్షణమే విడుదల చేయనున్నట్లు తెలిపారు. అదేవిధంగా రైతుల సమస్యలను దృష్టిలో ఉంచుకొని స్పందించిన పార్లమెంటు సభ్యురాలు డీకే అరుణమ్మకు తెలంగాణ మార్క్ఫెడ్ జనరల్ మేనేజర్ విష్ణువర్ధన్ రావుకు, జిల్లా అగ్రికల్చర్ ఆఫీసర్ ఉషాతో మాట్లాడి సమస్యను పరిష్కరించిన ఎంపీకి షాద్ నగర్ నియోజకవర్గ రైతాంగం తరుపున పాలమూరు విష్ణువర్ధన్ రెడ్డి ధన్యవాదాలు తెలిపారు.