* జాతీయ డెంగ్యూ మాస ఉత్సవాల్లో భాగంగా డెంగ్యూ వ్యాధి పై అవగాహన
* నివాసాలకు చేరువలో నీటి నిలువ లేకుండా జాగ్రత్తలు పాటించాలి
* ప్రతి ఒక్కరూ ప్రతి శుక్రవారం రేడే పాటించడం ద్వారా వ్యాధులు దూరం
నమస్తే భారత్, పోడూరు, జూలై -25 :
పరిసరాలను పరిశుభ్రంగా పొడిగా ఉంచుకోవాలని తద్వారా ప్రమాదకర జ్వరాల నుండి బయటపడవచ్చు అని పాలకొల్లు మండలం లంకలకోడేరు పి.హెచ్.సి వైద్యుడు డాక్టర్ ఎం.నవ్య జీవన్ అన్నారు.లంకలకోడేరు ప్రాథమిక ఆరోగ్య కేంద్ర పరిధిలో లంకలకోడేరులో జాతీయ డెంగ్యూ మాషోత్సవంల్లో భాగంగా డెంగ్యూ వ్యాధిపై అవగాహన కార్యక్రమం ర్యాలీ నిర్వహించారు.ఈ కార్యక్రమంలో డాక్టర్ ఎం.నవ్య జీవన్ మాట్లాడుతూ ఇంటి పరిసరాల్లో నీటి నిల్వలు లేకుండా చేసుకోవాలని దాని ద్వారా డెంగ్యూ వ్యాధి నుంచి రక్షింపబడతారని తెలిపారు. ఆరోగ్య విస్తరణ అధికారి గుడాల హరిబాబు మాట్లాడుతూ దోమల ద్వారా డెంగ్యూ, మలేరియా, చికెన్ గన్యా, బోద వ్యాధి, మెదడువాపు వ్యాధి వంటి వ్యాధులు ప్రబలుతాయని, ఈ వ్యాధులు బారిన పడకుండా ఉండుటకు ప్రతి శుక్రవారం డ్రైడే పాటించాలని తద్వారా దోమలు నివారించవచ్చని తెలిపారు, ఎవరికైనా జ్వర లక్షణాలు ఉంటే వెంటనే ఆశా కార్యకర్తను. ఏ.ఎన్. ఎం, ఎం ఎల్ హెచ్ పి లను, సంప్రదించి రక్త పరీక్షలు చేయించుకుని మందులు వాడాలని తెలిపారు. ఈ కార్యక్రమంలో ఆరోగ్య విస్తరణాధికారి గుడాల హరిబాబు, పి హెచ్ ఎన్ పి.ఎలిజిబెత్, సూపర్వైజర్ ఎస్కే అమలేశ్వరరావు, ఎం దివాకర్ బాబు, టి హరిబాబు, ఎల్ టి ప్రసాద్, మార్తమ్మ, సుశీల, రోజా కమల, సుజ్ఞానమని, ఆశా కార్యకర్తలు, ట్రైనీ జిఎన్ఎంలు పాల్గొన్నారు.
