---నేరాల నియంత్రణ పై దృష్టి సారించాలి.
---ప్రతి కేసును పారదర్శకంగా విచారణ చేపట్టాలి.
---పాత నేరస్తులు, రౌడీలు సస్పెక్ట్ లపై నిఘా ఏర్పాటు చేయాలి.
---రాబోయే పండగలు,లోకల్ ఎలక్షన్స్ కు సిద్ధంగా ఉండాలి.
---ప్రజలకు సామాజిక అంశాలపై విస్తృతంగా అవగాహన కార్యక్రమలు నిర్వహించాలి.
నారాయణపేట జిల్లా / నమస్తే భారత్
జిల్లాలో నమోదు అయ్యే ప్రతి కేసులో పారదర్శకంగా విచారణ చేపట్టి పకడ్బందీగా ఇంటరాగేషన్ రిపోర్ట్ తయారు చేసి కోర్టు లో చార్జి షీట్ వేయడం ద్వారా నిందితులకు పడే శిక్షల శాతం మరింత పెంచేందుకు పోలీస్ అధికారులు కృషి చేయాలనీ జిల్లా ఎస్పీ జిల్లా ఎస్పీ యోగేష్ గౌతమ్ ఐపీఎస్ తెలిపారు.ఈ రోజు జిల్లా పోలీసు ప్రధాన కార్యాలయంలోనీ కాన్ఫరెన్స్ హాల్లో ఎస్పీ గారు, జిల్లా పోలీస్ అధికారులతో నెలవారి నేరసమీక్ష సమావేశం నిర్వహించారు. ముందుగా పోలీస్ స్టేషన్ల పరిధిలో పెండింగ్లో ఉన్న గ్రేవ్, నాన్ కేసుల గురించి అడిగి తెలుసుకున్నారు. పెండింగ్ కేసులను న్యాయ అధికారులు, డాక్టర్స్ తో సమన్వయం కలిగి ఉండి పెండింగ్ కేసులను క్లియర్ చేయాలని అధికారులకు సూచించారు.ఈ సందర్భంగా ఎస్పీ మాట్లాడుతూ.కేసుల సమగ్ర విచారణ ద్వార నిందితులకు శిక్ష పడేవిధంగా చేసి బాధితులకు న్యాయం చేకూరేలా అధికారులు అందరూ బాధ్యతగా కృషి చేయాలని సూచించారు. అలాగే పోలీస్ స్టేషన్ కు వచ్చే పిర్యధుదారులతో మర్యాదపూర్వకంగా వ్యవహరించాలని, ఫిర్యాదులను పెండింగ్ లో ఉంచారాధని సూచించారు. జిల్లా పరిధిలో మిస్సింగ్ కేసులను వెంటనే పట్టుకోవాలని అన్నారు.
అండర్ ఇన్వెస్టిగేషన్ లో ఉన్న కేసులను త్వరగా డిస్పోజల్ చేయాలి అన్నారు ఫోక్సో, ఎస్సీ ఎస్టీ గ్రేవ్ కేసుల్లో త్వరితగతిన ఇన్వెస్టిగేషన్ పూర్తి చేసి కోర్టులో చార్షీ షీట్ దాఖలు చేయాలన్నారు.
నేరాలు జరిగే ప్రదేశాలు, శాంతి భద్రతలకు విఘాతం కలిగించే ప్రదేశాలు హాట్ స్పాట్ గా గుర్తించి పాయింట్ బుక్స్ ఏర్పాటు చేయాలని సూచించారు. బ్లూ కోల్ట్స్ సిబ్బంది ప్రతి పాయింట్ బుక్ ను తనిఖి చేసేటట్లు చూసుకోవాలని సూచించారు. పాత నైరస్తులు, రౌడీలు, సస్పెక్ట్ ల కదలికల పై నిఘా ఏర్పాటు చేసి వారిని ప్రతి రోజు తనిఖీ చేస్తూ ఉండాలని తెలిపారు. అక్రమ గంజాయి, డ్రగ్స్, మాదక ద్రవ్యాలు, గుట్కాలు,ఇసుక, పిడియస్ రైస్ అక్రమ దందాల పై నిఘా ఏర్పాటు చేసి చట్ట ప్రకారం కేసులు నమోదు చేయాలని సూచించారు. కమ్యూనిటీ పోలీసింగ్ లో బాగంగా పట్టణాలలో, గ్రామాలలో సీసీ కెమెరాల గురించి ప్రజలకు అవగాహన కల్పించి సీసీ కెమెరాలు స్వచ్ఛందంగా ఏర్పాటు చేసుకునేల చూడాలని తెలిపారు. సామాజిక అంశాలపై, సైబర్ నేరాల పై ప్రజలకు అవగాహన కల్పించాలని కోరారు. రాబోయే లోకల్ ఎలక్షన్స్ మరియు గణేష్ ఉత్సవాలకు సంబంధించి ముందస్తు సంసిద్ధంగా ఉండాలని ప్రజలతో మమేకం అవుతూ గ్రామాలలో సమస్యలు తెలుసుకొని, సమాచారని సేకరించాలని తెలిపారు. అలాగే మత ఘర్షణలకు సంబంధించి పాత నేరస్తుల పై నిఘా ఉంచి తనిఖీ నిర్వహించాలని సూచించారు. ప్రజలు అత్యవసర సమయంలో డయల్ 100 కి కాల్ చేయాలి అని ఎస్పీ తెలిపారు.
ముసురు వర్షాల నుండి ప్రజలు అప్రమతంగా ఉండాలి: ఎస్పీ.
ఎడతెరపి లేకుండా కురుస్తున్న వర్షాల నుండి ప్రజలు జాగ్రత్తగా ఉండాలి అని, మిద్దీన్లలో లోతట్టు ప్రాంతాలలో ఉండారాదని తెలిపారు. పోలీసు అధికారులు సిబ్బంది అప్రమత్తంగా ఉండి అత్యవసర సమయంలో డయల్100 కాల్స్ వస్తె తక్షణమే స్పందించాలని తెలిపారు. అలాగే పిల్లలు నదులు, కుంటలు, చెరువులు, వాగుల వద్దకు చేపలు పట్టడానికి , ఈత కొట్టడానికి, సెల్ఫీ ఫోటోలు తీసుకోవడానికి వెళ్లరాదని కోరారు.ఈ సమావేశంలో డిఎస్పీ లు ఎన్ లింగయ్య, మహేష్, సిఐ లు శివ శంకర్, రామ్ లాల్, రాజేందర్ రెడ్డి, సైదులు ఎస్ఐ లు వెంకటేశ్వర్లు, రాముడు, రాజు, భాగ్యలక్ష్మి రెడ్డి, నవీద్,రాము, రమేష్, విజయ్, రాజా శేఖర్, సునిత, పియస్ఐ లు తది తరులు పాల్గొన్నారు.
About The Author
