విద్యార్థులు బాగా చదివి మంచి ఉత్తీర్ణత సాధించి 

తల్లిదండ్రులకు,ఉపాధ్యాయులకు, గ్రామానికి మంచి పేరు తీసుకురావాలి

హిందూ సేవా సమితి ఎడ్యుకేషనల్ సొసైటీ, దన్మయి  గ్రూప్ ఆఫ్ కంపెనీస్ చైర్మన్  వెంకట రాధాకృష్ణ 

భీమారం గ్రామంలోని ప్రభుత్వ పాఠశాల విద్యార్థులకు నోటు పుస్తకాలు, బ్యాగుల పంపిణీ

నమస్తే భారత్ షాద్ నగర్ జులై23:విద్యార్థులు బాగా చదివి మంచి ఉత్తీర్ణత సాధించి తల్లిదండ్రులకు, ఉపాధ్యాయులకు, గ్రామానికి మంచి పేరు తీసుకు రావాలని హిందూ సేవా సమితి ఎడ్యుకేషనల్ సొసైటీ మరియు  దన్మయి  గ్రూప్ ఆఫ్ కంపెనీస్ చైర్మన్  వెంకట రాధాకృష్ణ అన్నారు. రంగారెడ్డి జిల్లా షాద్ నగర్ నియోజకవర్గం ఫరూక్ నగర్ మండలం భీమారం గ్రామంలో హిందు సేవ సమితి ఎడ్యుకేషనల్ సొసైటీ  ఆధ్వర్యంలో చైర్మన్ వెంకట రాధాకృష్ణ,  ప్రధాన కార్యదర్శి నిర్మల, కోశాధికారి నాగశిరోమణి, సభ్యులు నిరంజన్ కుమార్, దుర్గా భవాని, గంగాధర్ లా చేతుల మీదుగా ప్రభుత్వ పాఠశాలశాలలో చదువుతున్నవిద్యార్థిని, విద్యార్థులకు  స్కూల్ బ్యాగ్స్, నోటు పుస్తకాలు అందజేశారు. అలాగే డ్రగ్స్ పై విద్యార్థులకు అవగాహన కార్యక్రమం నిర్వహించారు.  ఈ సందర్భంగా వెంకట రాధాకృష్ణ మాట్లాడుతూ  హిందూ సేవా సమితి ఎడ్యుకేషనల్ సొసైటీ 2006లో స్థాపించబడిందని గత 20 సంవత్సరాలుగా ఎన్నో సామాజిక, సాంస్కృతిక, సంగీత, సాహిత్య సేవా విభాగాలలో ఎన్నొ కార్యక్రమాలు చేస్తూ సమాజ శ్రేయస్సులో తమ వంతు బాధ్యతను నిర్వహిస్తున్నట్లు తెలిపారు.  మాదక ద్రవ్యాల విషయంలో దూరం పాటించాలని, డ్రగ్స్‌ వాడకం వల్ల సమాజంలో వచ్చే దుష్పరిణామాలు, ఆరోగ్య సమస్యల గురించి విద్యార్థులకు వివరించారు. చాలామంది యువత సరదాగా మొదలుపెట్టిన ఈ అలవాటు వ్యసనంగా మారి వారి భవిష్యత్తును నాశనం చేస్తుందని కాబట్టి విద్యార్థులు అవగాహన కలిగి ఉండి అప్రమత్తంగా ఉండాలని విద్యార్థుల గురించి హితవు పలికారు. యువత దేశానికి పట్టుకొమ్మలని వారు మంచి ఆలోచనలు కలిగి ఉండాలని సమాజాభివృద్ధికి తద్వారా దేశ అభివృద్ధికి తోడ్పడాలని విద్యార్థులకు సూచించారు. ఒక వ్యక్తి డ్రగ్స్‌ కి అలవాటు అయితే మాన్పించడం చాలా కష్టమని డ్రగ్స్‌ వినియోగం వల్ల ఆ వ్యక్తి ఏం చేస్తాడో తనకే తెలియదని, మత్తులో నిద్రిస్తాడని, క్రూరమైన ఆలోచనలు కలిగి ఉంటాడని తెలియజేశారు. విద్యార్థులు తమ పరిసర ప్రాంతాల్లో ఎవరైనా డ్రగ్స్‌ వినియోగిస్తున్నట్టు అనుమానం వచ్చినా, విక్రయిస్తున్నట్టు తెలిసిన వెంటనే ఉపాధ్యాయులకు, తల్లిదండ్రులకు, పోలీసులకు  సమాచారం ఇవ్వాలని  అప్పుడు మాత్రమే డ్రగ్స్‌ రహిత సమాజం సాధ్యమవుతుందని అన్నారు. అనంతరం  చైర్మన్ వెంకట రాధాకృష్ణతో పాటు సొసైటీ వాళ్లను ఉపాధ్యాయులు, విద్యార్థులు, గ్రామస్తులు శాలువా, పూలమాలతో ఘనంగా సన్మానించారు. ఈ కార్యక్రమంలో  ఆదివాసి కాంగ్రెస్ రంగారెడ్డి జిల్లా అధ్యక్షుడు శ్రీను నాయక్, మాజీ సర్పంచ్ లక్ష్మయ్య, పాఠశాల చైర్మన్ జ్యోష్నా, శ్రీనివాస్, రాఘవేందర్ గౌడ్,  లాలయ్య, యాదయ్య, నాగేష్ ఉపాధ్యాయులు, విద్యార్థులు, గ్రామస్తులు పాల్గొన్నారు.