* కన్నుల పండుగగా, అట్టహాసంగా సొసైటీ త్రిసభ్య కమిటీ చైర్మన్, సభ్యుల ప్రమాణ స్వీకారం
* గ్రామ అభివృద్ధికి ఎనలేని కృషి
* పార్టీ నాయకులు అభిమానులు, హితులు, స్నేహితులు, గ్రామస్తులతో అట్టహాసంగా ప్రమాణ స్వీకార మహోత్సవం
నమస్తే భారత్ న్యూస్, పోడూరు , జులై -25 : రైతుల సంక్షేమానికి, అభివృద్ధికి సమస్యల పరిష్కారానికి కృషి చేస్తానని వేడంగి వ్యవసాయ సహకార పరపతి సంఘం( సొసైటీ) త్రిసభ్య కమిటీ చైర్మన్ మేడిశెట్టి వీర వెంకట సత్యనారాయణ (బుజ్జి)అన్నారు. శుక్రవారం వేడంగిలో ఆయన తోటి సభ్యులు లంకలపల్లి ప్రసాద్, గుడాల శివ ప్రసాద్ తో కలిసి చైర్మన్ పదవికి ప్రమాణస్వీకారం చేశారు.హితులు, స్నేహితులు, అభిమానుల సమక్షంలో కనుల పండుగగా, అట్టహాసంగా మేడిశెట్టి బుజ్జి ప్రమాణ స్వీకార వేడుక ఘనంగా నిర్వహించారు. ఈ సందర్భంగా దేవళ్ల ప్రసాద్, కె. సత్యనారాయణరాజు, గొట్టుముక్కల సూర్యనారాయణరాజు, పెన్మెత్స రామభద్రరాజు, దాసరి రత్నరాజు తదితరులు మాట్లాడుతూ బుజ్జికి చైర్మన్ పదవి దక్కడం శుభ పరిణామం అన్నారు. యువకుడు ఉత్సాహవంతంగా గ్రామాభివృద్ధి పనుల్లో విరివిగా పాల్గొనే సదవకాశం ఉందన్నారు. గ్రామ సమస్యల పరిష్కారంలో అభివృద్ధిలో బుజ్జి కృషి ఎనలేనిది అని కొనియాడారు. నిబద్ధత, పట్టుదల, సేవాతత్వం కలిగిన బుజ్జికి సొసైటీ అధ్యక్షుడి పదవిని అందించిన రాష్ట్ర మంత్రి నిమ్మల రామానాయుడు కు వేడంగి గ్రామ ప్రజల పక్షంగా కృతజ్ఞతలు తెలిపారు. కష్టపడి పనిచేసే నాయకులకు అవకాశాలు అందించడం అనేది మంత్రి రామానాయుడు ముందుచూపుకు నిదర్శనం అన్నారు. పలువురు ఆయనకు పూలమాలలు సాలువాలు కప్పి తమ హర్షం వ్యక్తం చేశారు. కార్యక్రమంలో కూటమి నాయకులు, కార్యకర్తలు అభిమానులు, గ్రామస్తులు, రైతులు, పాల్గొన్నారు.
