నూతన రేషన్ కార్డుల పంపిణీకి శ్రీకారం

ప్రభుత్వ విప్ డాక్టర్ రామచంద్రనాయక్ 

నమస్తే భారత్ :-మరిపెడ 

మహబూబాబాద్ జిల్లా మరిపెడ మండల కేంద్రంలోని ఇండోర్ స్టేడియంలో నూతన రేషన్ కార్డుల పంపిణీ కార్యక్రమం ఓ ఉత్సాహభరిత వాతావరణంలో జరిగింది. ఈ కార్యక్రమానికి ప్రభుత్వ విప్, డోర్నకల్ శాసనసభ్యులు డాక్టర్ రామచంద్రనాయక్  ముఖ్య అతిథిగా హాజరై, అర్హులైన కుటుంబాలకు రేషన్ కార్డులు అందజేశారు.ఈ సందర్భంగా ఆయన మాట్లాడుతూ.రాష్ట్రంలో కొత్త యుగం మొదలైంది. కాంగ్రెస్ ప్రభుత్వం ఇచ్చిన హామీలను కార్యరూపం దాల్చిస్తూ, ప్రతి పేద కుటుంబాన్ని ఆహార భద్రత కింద కవచంగా చుట్టేందుకు ప్రయత్నిస్తున్నాం అన్నారు.డాక్టర్ నాయక్ ,గత ప్రభుత్వాల వైఫల్యాలపై సూటిగా వ్యాఖ్యానిస్తూ,
"పది సంవత్సరాల పాటు బి ఆర్ ఎస్  ప్రభుత్వం పేదల మనుగడ పట్ల ఎంత నిర్లక్ష్యం చూపిందో ప్రజలందరికీ తెలిసిందే. ఒక్క కొత్త రేషన్ కార్డు కూడా ఇవ్వకపోవడం, వేలాది గర్జనల్ని ఊడిన గాలిలా విసిరేసింది. ఇప్పుడు పరిస్థితి మారింది. ప్రజల కష్టాలు గుర్తించి స్పందించే పాలన రేఖను కాంగ్రెస్ పార్టీ అందిస్తోంది అని విమర్శించారు.అర్హత ఆధారంగా, పార్టీలకు అతీతంగా, సామాజిక న్యాయానికి కట్టుబడి రేషన్ కార్డుల పంపిణీ జరుగుతున్నదని తెలిపారు.ఇది కేవలం బియ్యం పంపిణీ కార్యక్రమం కాదు. ఇది పేదల మనోభావాలకు మర్యాద, వారి ఆకలికి అండగా నిలిచే ప్రభుత్వ బాధ్యత," అని అన్నారు.గతంలో మధ్యవర్తుల చేతుల్లోకి వెళ్లే బియ్యం, నేడు నేరుగా లబ్ధిదారుల తలుపుతట్టేలా మారింది. ప్రతి తిండి గింజలో ప్రభుత్వ నిబద్ధతను ప్రజలు గమనిస్తున్నారు,అని ఆయన వివరించారు.కార్యక్రమంలో జిల్లా నాయకత్వం, మండల నాయకులు, అధికార ప్రముఖులు, మాజీ ప్రజా ప్రతినిధులు, కాంగ్రెస్ కార్యకర్తలు పెద్ద ఎత్తున పాల్గొన్నారు.