ప్రభుత్వం పై కోర్టు ధిక్కరణ పిటిషన్

---ప్రభుత్వం పై ఆగ్రహం వ్యక్తం చేసిన హైకోర్టు.

---గవినోళ్ల శ్రీనివాస్ కు లేఖ రాసిన ప్రభుత్వం.

---అడ్వైజరి కమిటీ నిర్ణయం తీసుకున్నాక ఆలోచన చేస్తామంటూ లేఖ.

---ఎలాంటి షరతు లేకుండా వ్యవసాయ కూలీలందరికీ ఇందిరమ్మ ఆత్మీయ భరోసా ఇవ్వాలి.

– గవినోళ్ల శ్రీనివాస్ 
సామాజిక కార్యకర్త 

నారాయణపేట జిల్లా / నమస్తే భారత్

ప్రభుత్వం ప్రతిష్టాత్మకంగా తీసుకొచ్చిన ఇందిరమ్మ ఆత్మీయ భరోసా పథకం లబ్ధిదారులకు అందని ద్రాక్షగానే మారింది. ప్రభుత్వ ప్రచార ఆర్భాటాలే తప్ప.. ఫలాలు మాత్రం అందడం లేదు. మండలానికో గ్రామం దత్తత పేరుతో ఒక్క శాతం కూడా అమలు చేయకుండా చేతులు దులుపుకొన్నది. అర్హుల జాబితా పేరుతో హడావుడి చేసి అటకెక్కించింది. ఇందిరమ్మ ఆత్మీయ భరోసా పథకం కింద మున్సిపాలిటీ లలో ఉన్న కూలీలకు కూడా వర్తింప చేయాలని,గ్రామీణ ప్రాంతాల్లోని రైతు కూలీలతో సమానంగా పట్టణాల్లోని రైతు కూలీలకు కూడా ఇందిరమ్మ ఆత్మీయ భరోసా గ్రామాల్లో భూమిలేని రైతు కూలీలకు ఏటా రూ .12 వేలు చెల్లించేలా ప్రభుత్వం ఇందిరమ్మ ఆత్మీయ భరోసా పేరుతో పథకాన్ని రూపొందించింది . దీనిని గ్రామీణ ప్రాంతాల్లోని కూలీలకే వర్తింపజేస్తూ ఉత్తర్వులు జారీ చేశారని , పట్టణాలు , మున్సిపాలిటీల్లోని రైతు కూలీలకు అమలు చేయకపోవడం అన్యాయమని పేర్కొంటూ నారాయణపేట జిల్లాకు చెందిన సామాజిక కార్యకర్త రైతు గవినోళ్ల శ్రీనివాస్ వేసిన పిల్ ను తాత్కాలిక చీఫ్ జస్టిస్ సుజోయ్ పాల్గొన జస్టిస్ రేణుక యారా డివిజన్ బెంచ్ గతంలో విచారించింది. హైకోర్టు ఆదేశాలను పాటించని ప్రభుత్వం లేకపోవడం తో గవినోళ్ల శ్రీనివాస్ మళ్ళీ హైకోర్టు ను ఆశ్రయించారు. గవినోళ్ల శ్రీనివాస్ కు తెలంగాణ ప్రభుత్వం అడ్వైజరి కమిటీ నిర్ణయం తీసుకున్నాక ఆలోచన చేస్తాం అంటూ ఇటీవల లేఖ  రాసింది. గురువారం హైకోర్టు ప్రభుత్వం పై ఆగ్రహం వ్యక్తం చేస్తూ మున్సిపాలిటీ లలో ఉన్న కూలీలకు  కూడా ఇందిరమ్మ ఆత్మీయ భరోసా ఇవ్వాలని ప్రభుత్వంకు హైకోర్టు ఆదేశం ఇచ్చింది. ఆయన మాట్లాడుతూ, తెలంగాణ ప్రభుత్వం ఎన్నికల సందర్భంగా ఇచ్చిన హామీ మేరకు ఎలాంటి షరతు లేకుండా వ్యవసాయ కూలీలందరికీ ఇందిరమ్మ ఆత్మీయ భరోసా కింద సంవత్సరానికి రూ. 12,000 వెంటనే అమలు చేయాలని డిమాండ్ చేశారు. మున్సిపాలిటీల్లోని రైతు కూలీలకు ఇందిరమ్మ ఆత్మీయ భరోసా అమలు చేయకపోవడం వివక్ష కిందకు వస్తుందని చెప్పారు . రాష్ట్రంలోని 129 మున్సిపాలిటీల్లో 8 లక్షల మందికి పైగా కూలీలు ఉన్నారని వివరించారు . రైతు కూలీలందరినీ ఒకేలా చూసేలా ప్రభుత్వానికి ఉత్తర్వులు ఇవ్వాలని కోరారు. ప్రభుత్వం ఇప్పటి వరకు వ్యవసాయ కార్మికులకు ఇవ్వాల్సిన రూ. 12 వేలు ఇందిరమ్మ ఆత్మీయ భరోసా బకాయి డబ్బులను ప్రతికూలి అకౌంట్‌లో జమ చేయాలని, గ్రామ సభలు నిర్వహించి వ్యవసాయ కూలీలను గుర్తించి వారికి ప్రత్యేకంగా ఐడి కార్డులు ఇవ్వాలని డిమాండ్ చేశారు. మూడు ఎకరాల లోపు భూమి కలిగిన సన్నా, చిన్న కారు రైతులు ఏడాది పొడుగునా వ్యవసాయ కూలీగానే బతుకుతున్నారని, వీరందరికీ ఇందిరమ్మ ఆత్మీయ భరోసా వర్తింపజేయాలని డిమాండ్ చేశారు. వ్యవసాయ కూలీ కుటుంబాలకు ఆరోగ్యశ్రీ పథకం ద్వారా అన్ని రకాల జబ్బులకు నాణ్యమైన వైద్య సేవలు అందించాలన్నారు. వ్యవసాయ రంగంలో 60 శాతం వ్యవసాయ పనులన్నీ కూలీల మీదనే ఆధారపడి నడుస్తున్నాయని, తెలంగాణలో 60 లక్షల మంది వ్యవసాయ కూలీలకు బ్రతకడానికి నెలకు కనీసం రూ. 26 వేల నుండి రూ. 29 వేలు అవసరం అవుతున్నాయని దీని ప్రకారం కేంద్ర, రాష్ట్ర ప్రభుత్వాలు వ్యవసాయ కూలీలకు సమగ్రమైన చట్టం రూపొందించాలని డిమాండ్ చేశారు.