వర్షాకాలం లో అన్ని జాగ్రత్తలు  తీసుకోవాలి

నారాయణపేట జిల్లా / నమస్తే భారత్

 వర్షాకాలంలో ఎదురయ్యే సమస్యలను ఎదుర్కొనే విధంగా ప్రణాళికలు రూపొందించుకోవాలని రాష్ట్ర ముఖ్యమంత్రి ఎనుముల రేవంత్ రెడ్డి అన్నారు.సోమవారం హైదరాబాద్ నుండి సహచర మంత్రులతో కలిసి వర్షాలు, సీజనల్ వ్యాధులు, వానాకాలం పంటల సాగు, రేషన్ కార్డుల పంపిణీ తదితర అంశాలపై జిల్లా కలెక్టర్లతో వీడియో కాన్ఫరెన్స్ నిర్వహించారు.ఈ సందర్భంగా ఆయన మాట్లాడుతూ వర్షాకాలంలో ఎదురయ్యే సమస్య లను ఎదుర్కొనే విధంగా జిల్లా కలెక్టర్లు ప్రణాళిక లు రూపొందించుకోవాలి సూచించారు. భారీ వర్షాల వల్ల  ఏ ప్రమాదం కలగకుండా చూడాలని, 
వర్షాల వల్ల ప్రజలకు ఏమాత్రం ఇబ్బంది కలగకుండా చూడాలన్నారు. పిడుగు పాటుకి  మానవ , జంతు ప్రాణ నష్టం జరగకుడ చూడాలని, ఒకవేళ ఏమైనా ప్రాణహాని జరిగితే వెంటనే నష్ట పరిహారం ఆందెల చర్యలు చేపట్టాలన్నారు. మండల, గ్రామ స్థాయి అధికారులను అప్రమత్తం చేయాలన్నారు.  రైతుల కంటే ఏది ముఖ్యం కాదని, వారికి ఇబ్బంది కలగకుండా యూరియా స్టాక్ వివరాలను ఎరువుల షాపుల దగ్గర బోర్డుపై వివరాలు డిస్ప్లే చేయాలని సూచించారు. యూరియా స్టాక్ వివరాలు ఆన్ లైన్ లో ఉండేలా చర్యలు తీసుకోవాలన్నారు.  రైతులు ఆందోళన చెందాల్సిన అవసరం లేదని, అవసరమైనంత యూరియా స్టాక్ ఉందని తెలిపారు.సీజనల్ వ్యాధులు డెంగ్యూ, చికెన్ గుణ్య, మలేరియా, వైరల్ ఫీవర్ రాకుండా  తగు చర్యలు తీసుకోవాలన్నారు. దోమల వ్యాప్తి చెందకుండ శానిటేషన్ చర్యలు వెంట వెంటనే చేపట్టాలన్నారు.
డాక్టర్ లు  విధిగా 24 గంటలు అందుబాటులో ఉండాలని, క్షేత్రస్థాయిలో కలెక్టర్లు ఆకస్మిక తనిఖీలు నిర్వహించాలని సూచించారు.  ఈనెల 25 నుండి వచ్చేనెల 10వ తేదీ వరకు అన్ని మండల కేంద్రాలలో అధికారికంగా రేషన్ కార్డుల పంపిణీ కార్యక్రమం నిర్వహించాలన్నారు.  స్థానిక ప్రజా ప్రతినిధులను రేషన్ కార్డుల పంపిణీ కార్యక్రమాలలో భాగస్వాములు చేయాలని సూచించారు. ఈ వీడియో కాన్ఫరెన్స్ లో జిల్లా కలెక్టర్ సిక్తా పట్నాయక్, అదనపు జిల్లా కలెక్టర్  సంచిత్ గంగ్వర్, ట్రైనీ కలెక్టర్ ప్రణయ్ కుమార్, మెడికల్ కాలేజీ ప్రిన్సిపల్ సంతోష్, జిల్లా వైద్య ఆరోగ్యశాఖ అధికారి డాక్టర్ జయ చంద్రమోహన్, డీ ఏ వో జాన్ సుధాకర్ తోపాటు  సంబంధిత జిల్లా అధికారులు పాల్గొన్నారు.  వీడియో కాన్ఫరెన్స్ అనంతరం జిల్లా కలెక్టర్ సిక్తా పట్నాయక్ మాట్లాడుతూ.. ముఖ్యమంత్రి ఆదేశాలను అధికారులు విధిగా పాటించాలని, క్షేత్రస్థాయిలో పర్యటించాలని సూచించారు. వర్షాల పట్ల, సీజనల్ వ్యాధుల పట్ల అప్రమత్తంగా ఉండాలన్నారు. యూరియా పంపిణీలో అన్ని జాగ్రత్తలు తీసుకోవాలన్నారు. రెవిన్యూ, పోలీసు శాఖల అధికారులు సమన్వయం చేసుకోవాలన్నారు. వైద్యులు సమయపాలన పాటించి, ఆస్పత్రిలో అందుబాటులో ఉండాలని ఆమె సూచించారు. సీఎం ఆదేశాలను ఎవరు నిర్లక్ష్యం చేసినా శాఖ పరమైన చర్యలు తీసుకుంటామని హెచ్చరించారు.