నారాయణపేట జిల్లా / నమస్తే భారత్
పీడన ఎక్కడుంటుందో అక్కడ దాశరథి పోరాట స్ఫూర్తి ఉంటుందని అందుకనే ఆయన వ్యక్తిత్వం,సాహిత్యం నిత్యం స్మరించుకుంటున్నామని తెలుగు ఉపన్యాసకులు,సామాజిక వేత్త బిజ్వార్ మహేష్ గౌడ్ పేర్కొన్నారు.మండల పరిధిలోని జక్లేర్ న్యూ శాంతినికేతన్ పాఠశాలలో మంగళవారం దాశరథి కృష్ణమాచార్య శతజయంతి సందర్భంగా ఆయన చిత్రపటానికి పూలమాలలు వేసి ఘనంగా నివాళులర్పించారు.అనంతరం ఆయన మాట్లాడుతూ నిజాం పాలకుల చేతిలో తెలంగాణ ప్రజలు స్వేచ్ఛ,స్వాతంత్రాలు కోల్పోయి జీవచ్ఛావులుగా బతుకుతున్న పరిస్థితుల్లో ఒక ఉద్యమ స్ఫూర్తిని రగిలిస్తూ,నిజాం నిరంకుశ పాలనకు వ్యతిరేకంగా తన కలం,గళంతో యావత్ తెలంగాణ ప్రజానీకాన్ని చైతన్య పరిచిన యోధుడు దాశరథి కృష్ణమాచార్యులు అని తెలిపారు.నిజాం రాజు జన్మ జన్మల బూజు అని నిజాం అధికారాన్ని ధిక్కరించి రుద్రవీణ మీటి అగ్ని ధారణ కురిపించి నా తెలంగాణ కోటి రతనాల వీణ అంటూ తెలంగాణ ప్రజల కన్నీళ్లను అగ్ని ధారాలుగా మలచి పద్యాన్నే పదునైన ఆయుధంగా చేసుకుని "నిగ్గదీసి"అడుగు అంటూ తెలంగాణ ప్రజలకు స్ఫూర్తి ఇవ్వడమే కాకుండా తెలంగాణ విముక్తి కోసం ఉద్యమించి,జైలు శిక్షణనుభవించి తెలంగాణ ప్రజల గుండెల్లో నిలిచిన గొప్ప కవి,సాహితివేత్త దాశరథి అని కొనియాడారు.దాశరథి మహాకవి,కథకుడు,నాటక రచయిత, అనువాదకుడు,వ్యాసకర్త చలనచిత్ర,స్వీయ చరిత్రకారుడని బాల సాహిత్య వేత్త,నిర్మాత,మహా వక్త,విమర్శకుడని వివిధ ప్రక్రియలో 30 దాకా గ్రంథాలు రచించాడని పేర్కొన్నారు.నేటి తరం యువత,విద్యార్థి లోకం మహాకవుల ఆశయ సాధన కోసం కృషి చేయాలని పిలుపునిచ్చారు.
