చౌలపల్లిలో గొర్రెల మందపై కుక్కల దాడి రూ.2 లక్షల నష్టం

బాధిత రైతు ఎలిగపల్లి కృష్ణయ్యను పరామర్శించిన   అందే బాబయ్య..

నమస్తే భారత్ షాద్ నగర్ జులై09 :కేశంపేట మండలంలోని చౌలపల్లి గ్రామ శివారులో మంగళవారం అర్ధరాత్రి ఘటన చోటుచేసుకుంది. రైతు ఎలిగపల్లి కృష్ణయ్య వ్యవసాయ పొలంలో ఉన్న గొర్రెల మందపై మోసుకువచ్చిన కుక్కల గుంపు అకస్మాత్తుగా దాడి చేయడంతో మొత్తం 21 గొర్రెలు మృతి చెందాయి. ఈ ఘటనలో రైతుకు సుమారుగా రూ.2 లక్షల మేర ఆర్థిక నష్టం వాటిల్లింది.ఈ ఘటనపై సమాచారం తెలుసుకున్న బీజేపీ షాద్‌నగర్ ఇంచార్జ్ అందే బాబయ్య  వెంటనే సంఘటనా స్థలానికి చేరుకుని బాధిత రైతు కృష్ణయ్యను పరామర్శించారు. ఆయన వెంట బీజేపీ యువ నాయకులు పసుపుల ప్రశాంత్, రోళ్ళు రఘురాములు గౌడ్, పద్మ కృష్ణయ్య, కేశంపేట మండల అధ్యక్షురాలు రోళ్ళు రాధిక గౌడ్, నాయకులు పాండురంగారెడ్డి రెడ్డి, కంచుకోట నర్సింలు ఎస్. నర్సింహులు, రమేష్, ఆవుల శ్రీశైలం, వెంకటేష్, గడిగే లక్ష్మయ్య, ఎస్. సాయి రామ్, పీ. సాయి రామ్ తదితరులు ఉన్నారు.ఈ సందర్భంగా బీజేపీ షాద్ నగర్ ఇంచార్జ్ అందే బాబయ్య ఈ సందర్భంగా ప్రభుత్వాన్ని కోరుతూ ఇలాంటి ఘటనల వల్ల రైతులు తీవ్ర నష్టాల్లోకి వెళ్లిపోతున్నారు. ప్రభుత్వం తక్షణమే సహాయాన్ని ప్రకటించి బాధిత రైతుకు న్యాయం చేయాలి” అని డిమాండ్ చేశారు. పశువైద్య శాఖ తక్షణమే స్పందించి గ్రామంలో చర్యలు తీసుకోవాలని వారు విజ్ఞప్తి చేశారు. స్థానికంగా ఉన్న కోళ్లఫారాలే ఈ పెంచి పోషిస్తున్నాయని కోళ్లు చనిపోతే బహిరంగ ప్రదేశాల్లో పడేయటం వలన వాటిని తిని జంతువుల పై దాడి చేస్తున్నాయని మనుషులు మీద దాడి మనం పేపర్లలో రోజు చూస్తూనే ఉన్నామని దయచేసి వాటిపై చర్యలు తీసుకోవాలని రైతులను ఆర్థికంగా ప్రభుత్వం ఆదుకోవాలని వారు అన్నారు.