4 లేబర్ కోడులను రద్దు చేయకుంటే గుణపాఠం తప్పదు
సిఐటియు జిల్లా నాయకులు నీరటి మల్లేష్
నమస్తే భరత్ , రాజేంద్రనగర్, జులై 09. మోడీ ప్రభుత్వం కార్మిక వ్యతిరేక విధానాలను అనుసరిస్తుందని, కార్మికులకు గుదిబండగా మారిన నాలుగు లేబర్ కోడులను వెంటనే రద్దు చేయాలని సిఐటియు జిల్లా నాయకులు నీరటి మల్లేష్ డిమాండ్ చేశారు. రంగారెడ్డి జిల్లా రాజేంద్రనగర్ నియోజకవర్గం శంషాబాద్ పురపాలక పరిధిలో బుధవారం దేశవ్యాప్తంగా సార్వత్రిక సమ్మెలో భాగంగా సిఐటియు ఫిల్మ్ మేరకు ప్రజాసంఘాల మద్దతుతో నేడు జరిగిన సమ్మెలో వివిధ ప్రజా సంఘాలు ఎస్ఎఫ్ఐ, కెవిపిఎస్, డివైఎఫ్ఐ, పాల్గొని ఎమ్మార్వో ఆఫీస్ నుండి అంబేద్కర్ చౌరస్తా వరకు ర్యాలీ తీశారు. అనంతరం కేంద్ర ప్రభుత్వం తెచ్చిన నాలుగు లేబర్ కోడ్ ల జీవోను తగలబెట్టారు. ఈ సందర్భంగా సిఐటియు జిల్లా నాయకులు నీరటి మల్లేష్ మాట్లాడుతూ ఈరోజు మన దేశంలో జరుగుతున్న ప్రభుత్వం మోడీ అనుసరిస్తున్న విధానాలకు వ్యతిరేకంగా తొమ్మిది కార్మిక సంఘాల పిలుపుమేరకు శంషాబాద్ లో వివిధ రంగాల కార్మికులు ప్రజాసంఘాల నాయకులు తదితరులు పెద్ద ఎత్తున పాల్గొని సమ్మెను జయప్రదం చేయడం జరిగిందని అన్నారు. కేంద్ర ప్రభుత్వం దేశంలో 44 చట్టాలు కార్మికులకు కార్మికులకు వ్యతిరేకంగా నాలుగు రకాల కోడులను తెచ్చి కార్మికులకు ఎలాంటి హక్కు లేకుండా యజమానులకు పెట్టుబడిదారులకు మాత్రం పూర్తిగా కార్మికుల శ్రమను దోచుకునేందుకు ఈ కోడులు ఉపయోగపడుతున్నాయని ఆయన అన్నారు. ఇలాంటి కార్మికులకు ఉపయోగపడని కోడ్ లు ఎందుకన్నారు. ఈ ప్రభుత్వం అధికారంలో రాకముందు ఈ దేశాన్ని ఈ కార్మికులను రక్షణగా ఉంచుతానని అన్ని రకాలుగా దేశ అభివృద్ధి పథంలో నడిపిస్తానని హామీ ఇచ్చిన కేంద్ర ప్రభుత్వం ఇప్పుడు మాత్రం కార్మికుల నడ్డి విడిచి కార్మికుల బతుకులతో చెలగాటమాడుతూ, పేద ప్రజలను మహిళలను ఈ దేశ ప్రజలను కాపాడకుండా బక్షిస్తున్నాడని అన్నారు. ఇలాంటి ప్రభుత్వం ఉన్న ఊడిన ఒక్కటే అని ఒకవేళ ఈ నాలుగు కోడ్ లను రద్దు చేయకుంటే కార్మికులు ప్రజలు కలిసి ఇంటికి సాగనంపుతారని అన్నారు. ఇకనైనా మోడీ ప్రభుత్వం ఇలాంటి విధానాన్ని వెనక్కి తీసుకొని కార్మికులకు ఉపయోగపడే విధంగా విధానాలు అవలంబించాలన్నారు. ఈ కార్యక్రమంలో సిఐటియు మండల నాయకులు విజయ్, దర్శన్,శంషాబాద్ మున్సిపాలిటీ నాయకులు యాదమ్మ, సుజాత, రావెల నర్సింగరావు, శ్రీను, ఆశా వర్కర్స్, యూనియన్ నాయకులు, నవనీత, సులోచన, మంజుల, తిరుమల, తదితరులు పాల్గొన్నారు.
