స్వామినాథన్ సిఫారసులను అమలు చేసి,ఎమ్ఎస్పి చట్టం చేయాలి.

నారాయణపేట జిల్లా / నమస్తే భారత్

ఈరోజు జరిగిన రైతు సంఘం మండల జనరల్ బాడీ సమావేశానికి ఆహ్వానితులుగా వచ్చిన సిపిఐ ఎంఎల్ మాస్ లైన్ పార్టీ  డివిజన్ కార్యదర్శి సలీం సార్ , మాట్లాడుతూ దేశంలో ప్రధానంగా 55% రైతంగం వ్యవసాయ రంగం పైన ఆధారపడి జీవిస్తున్నారు. రైతు వ్యవసాయాన్ని నమ్ముకొని తన కుటుంబాన్ని పోషిస్తున్నాడు. అలాంటి రైతు వ్యవసాయంలో పెట్టిన పెట్టుబడి తిరిగి రాక ఆత్మహత్యలకు పాల్పడుతున్నాడు. పాలకవర్గాలు రైతే దేశానికి వెన్నెముక అని చెబుతున్నప్పటికీ రైతుని ఆదుకునే పరిస్థితి లేదు.వ్యవసాయ రంగాన్ని నమ్ముకున్న రైతు బతికే పరిస్థితి లేదు . కేంద్రంలో అధికారంలో ఉన్నటువంటి బిజెపి ప్రభుత్వం పెట్టుబడిదారులకు భూమి ని కట్టబెట్టి  అలాగే కార్పొరేట్ వ్యవసాయం పేరుతో రైతులను కూలిగా మారుస్తున్నది.గిట్టుబాటు లేక పంట కు పెట్టిన పెట్టుబడి రాదు.ప్రభుత్వాలు అంచనా ప్రకారం ఒక్క ఎకరా వరి కిఅయ్యే ఖర్చు 30000  పైన అవుతుంది. గిట్టుబాటు ధర లేక రైతు నష్టపోతున్నాడు.రోజు రోజుకు రైతు భూమిని వదిలేసే దిశగా నేటి ప్రభుత్వాలు పాలన కొనసాగిస్తున్నారు .పెట్టుబడిదారులకు ఇచ్చినటువంటి రుణాలను మాపి చేసింది. దేశంలో ఉన్నటువంటి రైతులకు రుణమాఫీ చెయ్యనేలేదు. అందుకనే రైతు పక్షాన నిలబడి, రైతంగ సమస్యలకై నిరంతరం పోరాడాలని మండల కమిటీని ఏర్పాటు చేయడం జరిగింది. ఈ కార్యక్రమంలో రైతు సంఘం జిల్లా ఉపాధ్యక్షులు వెంకట్ ,  వ్యవసాయ కార్మిక సంఘం జిల్లా ఉపాధ్యక్షులు చెన్నప్ప , హాజరయ్యారు. ఈ నూతన కమిటీకి అధ్యక్షులు చంద్రాములు, ఉపాధ్యక్షులు, బాబు, ఎల్ గోవిందు 
ప్రధాన కార్యదర్శి అంజప్ప, సహకార దర్శి  నాగప్ప, చిన్న రాజు 
కోశాధికారి  బాలు మొత్తం 15 మంది సభ్యులతో కమిటీ ఏర్పాటు చేయడం జరిగింది. ఈ జనరల్ బాడీ సమావేశానికి పి వై ఎల్ జిల్లా కార్యదర్శి సిద్ధ, వ్యవసాయ కార్మిక సంఘం మండల కార్యదర్శి మల్లేష్, పొర్ల నరసింహ మండలంలోనీ వివిధ గ్రామాల నుండి రైతు సంఘం కార్యకర్తలు పాల్గొన్నారు.