అంగరంగ వైభవంగా ముసాపేట బోనాల ఉత్సవాలు

ముసాపేట : ముసాపేట డివిజన్ అధ్యక్షులు కలికోట శంకర్ అధ్యర్యంలో ఫలారం బండి ఊరేగింపు 

ముఖ్య అతిధి గా తెలంగాణ ఆర్య వైశ్య కార్పొరేషన్ చైర్ పర్సన్ కాల్వ సుజాత, స్థానిక  సీనియర్ నాయకుడు సాయి గౌడ్.

: బోనాల ఉత్సవాల శోభను మరింతగా పెంచుతూ మూసాపేట్ డివిజన్ అధ్యక్షుడు కలికోట శంకర్ ఆధ్వర్యంలో నిర్వహించిన మహంకాళి బోనాలు,ఫలారం (ఫలహారం) ఊరేగింపు అంగరంగ వైభవంగా జరిగింది.ఆదివారం ముసాపేట లో నిర్వహించిన ఈ కార్యక్రమానికి తెలంగాణ ఆర్యవైశ్య కార్పొరేషన్ చైర్‌పర్సన్ కల్వ సుజాత గుప్తా, స్థానిక సీనియర్ నాయకుడు సాయి గౌడ్ తో కలిసి ప్రత్యేక అతిథిగా హాజరై అమ్మవారికి బోనం  సమర్పించి ఫలహారం బండి  పాల్గొన్నారు. భక్తుల పెద్ద రద్దీతో మూసాపేట్ వీధులు పండుగ వాతావరణంలో మునిగిపోయాయి.ముసపేట లో తన స్వగృహం నుంచి ప్రభాతంనుంచి ఆలయ ప్రాంగణంలోనే వేడుకలు ప్రారంభమయ్యాయి. పండ్లతో, పూలతో అలంకరించిన ఫలహార బండి ప్రధాన ఆకర్షణగా నిలిచింది. ఊరేగింపు  కలికోట శంకర్ ఇంట్టి వద్ద ప్రారంభమై ముసాపేట వీధుల గుండా సాగి  దేవాలయం వద్ద ముగిసింది. మార్గమధ్యంలో మహిళలు సంప్రదాయ బోనాల తొట్టెలతో, పిల్లలు రంగురంగుల దండలతో పాల్గొని జోష్‌ను పెంచారు.డప్పు, తశా, డీజే డోలు శబ్దాలతో వాతావరణం మారుమ్రోగింది. కార్యక్రమం సందర్భంగా కలికోట శంకర్ స్థానిక సమాజం ఐక్యతను ఉద్దేశిస్తూ “మన ఊరు అందరూ కలిసి పూజిస్తేనే పండుగ సంపూర్ణం” అని పేర్కొన్నట్లు నిర్వాహకులు తెలిపారు. కల్వ సుజాత గుప్తా భక్తులతో కలిసి అమ్మవారికి ఫలహారం సమర్పించి, ఆర్యవైశ్య సమాజం సేవా కార్యక్రమాల్లో ముందుండాలని పిలుపునిచ్చారు. సాయి గౌడ్ స్థానిక యువత స్వచ్ఛంద సేవకుల కృషిని ప్రశంసించారు. సామాజిక సేవ భాగంగా పేద కుటుంబాలకు పండ్ల ప్యాకెట్లు, చిన్నారులకు పాలు-పండ్ల పంపిణీ చేశారు. ప్లాస్టిక్ వినియోగం తగ్గించాలని, పర్యావరణ హితమైన సంచులు వాడాలని అవగాహన కల్పించారు. భారీ రద్దీ దృష్ట్యా పోలీసులు ప్రత్యేక బందోబస్తు, ట్రాఫిక్ మళ్లింపులు ఏర్పాటుచేయడంతో కార్యక్రమం ఎటువంటి అవాంతరమూ లేకుండా ముగిసింది.కార్యక్రమం లో భక్తులు భారీ గా పాల్గొన్నారు.