బిజెపి జిల్లా ఉపాధ్యక్షుడిగా యర్రంశెట్టి పద్మారావు

* సర్పంచిగా సొసైటీ అధ్యక్షుడిగా ప్రజలకు రైతులకు ప్రచారంజిక సేవలు

* ఐదేళ్ల క్రితం భారతీయ జనతా పార్టీలో అరంగేట్రం
* ఐదేళ్లలో జిల్లా కార్యదర్శిగా, పాలకొల్లు నియోజకవర్గం ఇన్చార్జిగా పార్టీ బలోపేతానికి కృషి
* పద్మారావుకు పలువురు అభినందనలు

నమస్తే భారత్, పోడూరు, జూలై- 21 :
 
పశ్చిమగోదావరి జిల్లా పోడూరు మండలం వేడంగికి చెందిన ప్రముఖ వాణిజ్యవేత, సీనియర్ నాయకులు యర్రంశెట్టి పద్మారావును బిజెపి జిల్లా ఉపాధ్యక్ష పదవి వరించింది. వేడంగి గ్రామపంచాయతీ సర్పంచిగా తన రాజకీయ ప్రస్థానం మొదలుపెట్టిన పద్మారావు తెలుగుదేశం పార్టీలో పలు పదవులను ఎంతో సమర్థవంతంగా నిర్వహించారు. అయిదేళ్ల క్రితం బీజేపీలో అడుగిడిన ఆయన బిజెపి జిల్లా కార్యదర్శిగా, పాలకొల్లు అసెంబ్లీ నియోజకవర్గం బిజెపి కన్వీనర్ గా పనిచేసి పార్టీ బలోపేతానికి కృషి చేశారు. అయన బిజెపికి చేస్తున్న సేవలను పార్టీ గుర్తించి  జిల్లా బిజెపి ఉపాధ్యక్ష పదవి బాధ్యతలను అప్పగించింది. యర్రంశెట్టి పద్మారావు జిల్లా బిజెపి ఉపాధ్యక్షులుగా నియమితులు కావడం పట్ల జిల్లాలోని పలువురు బిజెపి నాయకులు పాలకొల్లు నియోజకవర్గం లోని కూటమి నాయకులు పద్మారావు కి అభినందనలు తెలిపారు. ఈ సందర్భంగా పద్మారావు మాట్లాడుతూ పార్టీ, పెద్దలు తనపై ఉన్న నమ్మకానికి మించి పార్టీ అభివృద్ధికి కృషి చేస్తానన్నారు. జిల్లాలో బిజెపి పటిష్టతకు,అభివృద్ధికి తాను శక్తి వంచన లేకుండా పని చేసి అనేకులను పార్టీలోకి ఆకర్షితులను చేయిస్తానన్నారు. తనకు జిల్లా ఉపాధ్యక్షుడిగా అవకాశము కల్పించిన రాష్ట్ర బిజెపి నాయకులకు కృతజ్ఞతలు తెలిపారు.