తెలంగాణ ఉద్యమ స్ఫూర్తిని చాటి చెప్పిన గొప్ప వ్యక్తి 'జయశంకర్' తెలుగు ఉపన్యాసకులు  మహేష్ గౌడ్.

నారాయణపేట్ జిల్లా / నమస్తే భారత్  

తెలంగాణ ఉద్యమ స్ఫూర్తిని చాటి చెప్పిన గొప్ప వ్యక్తి ప్రొఫెసర్ జయశంకర్ సార్ అని,ప్రత్యేక తెలంగాణ రాష్ట్రం ఏర్పడితేనే తెలంగాణ ప్రజల జీవితాలు బాగుపడతాయని,రాష్ట్ర ఏర్పాటుకు అహర్నిశలు కృషి చేసిన గొప్ప వ్యక్తి జయశంకర్ సార్ అని తెలుగు ఉపన్యాసకులు,సామాజిక కార్యకర్త బిజ్వార్ మహేష్ గౌడ్ అన్నారు.బుధవారం మండల పరిధిలోని జక్లేర్ న్యూ శాంతినికేతన్ పాఠశాలలో జయశంకర్ 91వ జయంతిని పురస్కరించుకుని ఆయన చిత్రపటానికి పూలమాలలు వేసి ఘనంగా నివాళులర్పించారు.అనంతరం మహేష్ గౌడ్ మాట్లాడుతూ ప్రొఫెసర్ జయశంకర్ సేవలు మరువలేనివని అన్నారు. తొలిదశ తెలంగాణ ఉద్యమానికి ఊపిరి మలిదశ ఉద్యమానికి దిక్సూచిగా ఆయన నిలబడ్డారని కొనియాడారు.రాష్ట్ర సాధన కోసం కేవలం ఉద్యమమే కాకుండా రాజకీయ అండదండలు కూడా అవసరమని అందులో భాగంగానే అన్ని రాజకీయ పార్టీలతో కలుపుకొని తెలంగాణ రాష్ట్ర సాధన కోసం నిరంతరం పాటుపడిన వ్యక్తి,తెలంగాణ ప్రజల గుండెల్లో నిండిపోయిన మహోపాధ్యాయుడు డాక్టర్ జయశంకర్ సార్ అని తెలిపారు.ఆయన ఆశయాలను ప్రతి ఒక్కరు ముందుకు తీసుకువెళ్లాలని కోరారు.