* అంగరంగ వైభవంగా పోడూరు దేవస్థానం కమిటీ నూతన ప్రమాణ స్వీకారం
* పోడూరులో శ్రీ మూలేశ్వర, శ్రీ రాజేశ్వర, శ్రీ కేశవస్వామివార్ల దేవస్థానం
* చైర్మన్ గా కోసూరి వెంకట రామ సత్య సూర్యనారాయణరాజు
* ప్రమాణ స్వీకార మహోత్సవానికి హాజరైన అతిరథులు, నాయకులు, అభిమానులు, బంధుమిత్రులు, గ్రామస్తులు
నమస్తే భారత్, పోడూరు, ఆగస్టు - 5 :
ఆలయ అభివృద్ధి చేయంగా, భక్తుల శ్రేయస్సే లక్ష్యంగా అహర్నిశలు పనిచేస్తానని పోడూరు శ్రీమూలేశ్వర స్వామి శ్రీ రాజేశ్వర స్వామి శ్రీ కేశవ స్వామి దేవస్థానం నూతనంగా ప్రమాణ స్వీకారం చేసిన ధర్మకర్తల మండలి కమిటీ చైర్మన్ కోసూరి వెంకట రామ సత్య సూర్యనారాయణరాజు అన్నారు.
పశ్చిమగోదావరి జిల్లా పోడూరు మండలం పోడూరులో కొలువైన శ్రీ మూలేశ్వర, శ్రీ రాజేశ్వర, శ్రీ కేశవస్వామివార్ల దేవస్థానం ధర్మకర్తల మండలి కమిటీ నూతన ప్రమాణ స్వీకార మహోత్సవం బుధవారం అంగరంగ వైభవంగా అత్యంత ఘనంగా అతిరథులు, నాయకులు, అభిమానులు బంధుమిత్రులు గ్రామస్తుల నడుమ వైభవోపేతంగా నిర్వహించారు. దేవస్థానం ధర్మకర్తల మండలి కమిటీ చైర్మన్ గా కోసూరి వెంకట రామసత్య సూర్యనారాయణరాజు, ట్రస్టీలుగా ముప్పన గౌరీ శ్రీదేవి,దండు సూర్యనారాయణరాజు, కేత సత్యవతి, గుడిమెట్ల ఆటగంగ, మీసాల సత్యవతి, నల్లా శ్రీనివాసరావు, వాడపల్లి పద్మ కళ, తుమ్మలపల్లి సత్యనారాయణ, ఎక్స్అఫీషియో సభ్యుడు వాడపల్లి శ్రీమన్నారాయణ ఆచార్యులచే దేవదారు తనిఖీదారు ఇన్స్పెక్టర్ వర్ధినీడి వెంకటేశ్వరరావు ప్రమాణం చేయించారు. అనంతరం గ్రామ పెద్దలు, నాయకులు, అభిమానులు, శ్రేయోభిలాషులు తదితరులు శాలువాలు, పుష్పగుచ్చాలు, పూలమాలలు వేసి చైర్మన్, కమిటీ సభ్యులను ఘనంగా సత్కరించారు. ఆలయ ఈవో గుబ్బల రామ పెద్దింట్ల రావు పర్యవేక్షణలో ఘనంగా జరిగింది. ఈ సందర్భంగా స్వామికామా అమ్మవార్లకు ప్రత్యేక పూజలు నిర్వహించి, మంత్రోచ్ఛారణల నడుమ ప్రమాణ స్వీకారం ఘనంగా నిర్వహించారు. కార్యక్రమంలో టిడిపి జిల్లా ఉపాధ్యక్షుడు రుద్రరాజు రవిరాజు, టిడిపి మండల క్లస్టర్ ఇంచార్జి రుద్రరాజు రమేష్ రాజు, సర్పంచి శెట్టిబత్తుల సువర్ణ రాజు, ఎంపీటీసీ సభ్యుడు పోడూరి నాగరాజు, ఉప సర్పంచ్ శీలబోయిన జయ రామకృష్ణ, సొసైటీ చైర్మన్ దొమ్మేటి పురుషోత్తం, సొసైటీ డైరెక్టర్లు తోలేటి వేణు, శ్రీనివాసరాజు, మాజీ సర్పంచులు కుసుమే మోసేను, రుద్రరాజు సుజాత, దేవస్థానం మాజీ చైర్మన్, ఎంపీటీసీ మాజీ సభ్యుడు పోడూరు సాయిబాబా నీటి సంఘం మాజీ అధ్యక్షులు రుద్రరాజు వరహాలరాజు, గ్రామ పెద్దలు, పలువురు వివిధ పార్టీ నాయకులు, చైర్మన్ కోసూరి వెంకట రామసత్య సూర్యనారాయణరాజు, సీతాదేవి (దేవస్థానం మాజీ చైర్మన్) దంపతులను ఘనంగా సత్కరించారు. కార్యక్రమంలో టిడిపి గ్రామ అధ్యక్షుడు బొంతు కాశీ విశ్వనాథ్, ప్రధాన కార్యదర్శి కుసుమే శ్రీకాంత్, టిడిపి నాయకులు చిలుకూరి ప్రసాద్, జనసేన గ్రామ అధ్యక్షుడు బి.గణపతి, జనసేన నాయకులు, బిజెపి నాయకులు, గ్రామస్తులు తదితరులు పాల్గొన్నారు.
