తీసుకున్న అప్పు చెల్లించకుండా బేద్రించడంతో మర్డర్
మీడియా సమావేశంలో వివరాలు వెల్లడించిన ఏసిపి నరేష్ రెడ్డి
నమస్తే భారత్, కుత్బుల్లాపూర్ : మంగళవారం మధ్యాహ్నం ముషీరాబాదుకు చెందిన రౌడి షీటర్ మహబూబును కొందరు దుండగులు కత్తితో దాడి చేసి హత్య చేసిన ఘటన జగద్గిరిగుట్ట పోలీస్ స్టేషన్ పరిధిలో కలకలం రేపింది. ఈ హత్య కేసును నమోదు చేసుకున్న పోలీసులు ఎల్లమ్మబండ ప్రాంతానికి చెందిన సయీద్ ఫజల్ (48), సయీద్ జహంగీర్ (23), షేక్ కరీం (23)తో పాటు బోరాబండ ఏరియాలో నివసించే షేక్ అమీర్ (23)లను అరెస్ట్ చేశారు. ఈ సందర్భంగా బాలానగర్ ఏసీపీ నరేష్ రెడ్డి మీడియా సమావేశం నిర్వహించి వివరాలు వెల్లడించారు. వివరాలు ఇలా ఉన్నాయి., గత ఐదు సంవత్సరాల క్రిందట ముషీరాబాద్ ప్రాంతానికి చెందిన మహబూబ్ (40) ఎల్లమ్మబండ ప్రాంతానికి చెందిన సయీద్ ఫజల్, అతని సోదరుడి వద్ద పదకొండు లక్షల రూపాయలు అప్పుగా తీసుకున్నాడు. తీసుకున్న అప్పును ఎన్ని సార్లు తిరిగి ఇవ్వాలని అడిగిన, మహబూబ్ తిరిగి ఇవ్వకపోగా అడిగిన వారినే బెద్రిస్తుండడంతో అతన్ని చంపాలని పథకం రచించి, ఏదైనా విషయం ఉంటే మాట్లాడుకుందామని అందుకు జగద్గిరిగుట్ట పోలీస్ స్టేషన్ పరిధిలోని ఎల్లమ్మబండ, గుడ్ విల్ హోటల్ కూడలి వద్ద మహబూబును పిలుపించుకున్నారు. వారు ఫోన్లో మాట్లాడుకున్న సంభాషణ ప్రకారం మృతుడు అతనితో పాటు ఇద్దరు స్నేహితులను వెంట తెచ్చుకున్నాడు. కొద్దీ సేపు ఆర్థిక లావాదేవీల గురించి మాట్లాడుకున్నారు, అయిన ఇరువురి మధ్య రాజీ కుదరలేదు. దింతో ఎవరికి వారు అక్కడి నుండి వెళ్లిపోయారు, మహబూబ్ అతని ఇద్దరు స్నేహితులు గుడ్ విల్ హోటల్ వద్ద నిల్చున్న సమయంలో ఫజల్ అతనితో పాటు మరో ముగ్గురిని వెంటతెచ్చుకొని మహబూబ్ తలపై కత్తితో దాడి చెయ్యడంతో కుప్పకూలిపోయాడు అనంతరం విచక్షణా రహితంగా మెడ, కడుపు భాగంలో పొడిచి హత్య చేశారు. మృతిడితో పాటు వచ్చిన ఇద్దరు యువకులు భయంతో ఘటన స్థలం నుండి పారిపోయారు. తదనంతరం స్థానికులు ఇచ్చిన సమాచారం మేరకు పోలీసులు సంఘటన స్థలానికి వచ్చి కేసు నమోదు చేసుకొని దర్యాప్తు ప్రారంభించారు. సీసీ టీవీ ఫ్యూటేజును పరిశీలించి హత్యకు కారణమైన నలుగురు నింధితులు జగద్గిరిగుట్టలోని ఆర్ఆర్ఆర్ వైన్స్ వద్ద ఉన్నారని గుర్తించి అదుపులోకి తీసుకొని వారి వద్ద నుండి నాలుగు సెల్ ఫోన్లు, మూడు కత్తులు, ఒక ప్యాసింజర్ ఆటోను సీజ్ చేసి నిందితులను రిమాండ్ కు తరలించారు. మహబూబ్ పై ఇప్పటి వరకు పలు పోలీస్ స్టేషన్ల 12 వివిధ కేసులు ఉన్నాయని, అందులో ఒక హత్య కేసు ఉందని ఏసీపీ నరేష్ రెడ్డి స్పష్టంచేశారు.
తన పర్యవేక్షణలో హత్య కేసును త్వరితగతిన ఛేదించడంలో కృషి చేసిన జగద్గిరిగుట్ట సిఐ కే.నర్సింహ, డిఐ నరేందర్ రెడ్డి, పోలీస్ సిబ్బంది, ఎస్ఓటి టీంను బాలానగర్ డిసిపి సురేష్ కుమార్ అభినందించారని ఏసీపీ తెలిపారు.
