మోత్కుల గూడ గ్రామంలో ఘనంగా కోట మైసమ్మ తల్లి, పోచమ్మ తల్లీ బోనాలు పండుగ
ఉత్సవంగా పోతరాజుల వేషధారణ ఆటపాటలు
నమస్తే భారత్ షాద్ నగర్ జులై21:రంగారెడ్డి జిల్లా షాద్ నగర్ నియోజకవర్గం లోని నందిగామ మండలంలోని మోత్కూల గూడ గ్రామంలో కోట మైసమ్మ తల్లి, పోచమ్మ తల్లి బోనాలు పండుగను పురస్కరించుకొని, గ్రామం పెద్దల సమక్షంలో ఎంతో భక్తిశ్రద్ధలతో, అంగరంగ వైభవంగా నిర్వహించబడింది.గ్రామలోని మహిళలు సంప్రదాయ దుస్తుల్లో తలపై బోనాలను ఎత్తుకొని, వాటిని వేపకొమ్మలతో అలంకరించి, పల్లకీ శోభను తలపించేలా ఊరేగింపుగా బయలుదేరారు.ఊరేగింపులో ముందుగా అలంకరించిన తొట్టెలు చేతబట్టిన గ్రామ పెద్దలు,యువకులు నడుచుకుంటూ ముందుకు సాగగా, వెనుక వున్న మహిళలు డప్పుల చప్పుళ్ల మధ్య బోనాలతో నడుస్తూ భక్తిస్థాయిలో అమ్మవారిని ఆరాధించారు. ఈ బోనాల పండుగ ఎంతో చరిత్ర కలదు. పోతురాజుల వేషధారణ డబ్బులు, ఆటపాటలు విన్యాసాలు అమ్మవారికి బోనాలు సమర్పిస్తూ గ్రామవాసులు ఎంతో ఆధ్యాత్మిక వాతావరణంలో గ్రామం మునిగిపోయింది.ఇంటింటి మహిళలు బయటకు వచ్చి, బోనలు తీసుకెళ్తున్న మహిళల కాళ్లకు నీళ్లు పారబోసి, దండం పెట్టుకుంటూ, తమ భక్తిభిమానాన్ని చాటుకున్నారు.
ఈ గొప్ప ఉత్సవం చివరగా పోచమ్మ తల్లి ఆలయం వద్ద ముగిసింది. అక్కడ భక్తులు తమ తమ బోనాలను సమర్పిస్తూ
"మమ్ము చల్లగా చూడమ్మా… మా ఇంట్లో సంతోషం కురిపించమ్మా" అంటూ అమ్మవారికి మొక్కులు తీర్చుకున్నారు.ఈ కార్యక్రమం గ్రామంలోని పెద్దలు, యువకులు, మహిళలు, ప్రతి ఒక్కరు శాంతియుతంగా ముగియడంతో,గ్రామ వాసులంతా ఆనందంతో పాటు ఆధ్యాత్మిక తృప్తిని పొందారు. గ్రామీణ సాంప్రదాయం, మహిళల భక్తి, ఆచార సంప్రదాయాల సమ్మేళనంగా సాగిన ఈ బోనాల పండుగ, గ్రామలో ఒక చిరస్మరణీయ ఘట్టంగా నిలిచింది.
