జిల్లాలో పుష్కలంగా యూరియా ఇతర ఫెర్టిలైజర్స్: కలెక్టర్ రాహుల్ రాజ్

మెదక్,జూలై13(నమస్తే భారత్):జిల్లాలో పుష్కలంగా యూరియా ఇతర ఫెర్టిలైజర్స్ రైతులకు అందుబాటులో ఉన్నట్లు మెదక్ జిల్లా కలెక్టర్ రాహుల్ రాజ్ తెలిపారు.
పాపన్నపేట మండలం లక్ష్మీ నగరం గ్రామంలో ఆదివారం పురుగుల మందుల దుకాణాన్ని పరిశీలించారు.
ఈ సందర్భంగా కలెక్టర్ మాట్లాడుతూ రైతులకు ఎరువులు సకాలంలో అందేలా పటిష్ట చర్యలు చేపట్టామని పేర్కొన్నారు.యూరియా,కాంప్లెక్స్ ఎరువుల నిల్వ,అమ్మకాలు ఈ పాస్ యంత్రంలో నమోదు వివరాలు,దుకాణం, గోదాంలోని ఎరువులు, పురుగు మందుల నిల్వలను పరిశీలించారు.ప్రస్తుతం యూరియా,కాంప్లెక్స్ ఎరువులు,పొటాష్ అందుబాటులో ఉన్నట్లు, యూరియాకు ఎలాంటి ఇబ్బంది లేదని  కలెక్టర్ తెలిపారు. 
రైతు సంక్షేమమే ధ్యేయంగా రాష్ట్ర ప్రభుత్వం ప్రత్యేక దృష్టి  సారించిందని
జిల్లాలోని అన్ని గ్రామాలకు ప్రణాళిక బద్ధంగా,వివిధ పంట దశల ఆధారంగా రైతులకు సరిపడా యూరియా, ఎరువులు ప్రభుత్వం నుండి అందజేయబడుతోందన్నారు.  
జిల్లా మొత్తంలో 4675.89 మెట్రిక్ టన్నుల యూరియా నిల్వలు ఉన్నాయన్నారు. మండలంలోని వివిధ గ్రామాలను,ఎరువుల విక్రయ కేంద్రాలకు మ్యాపింగ్ చేయాలని,వ్యవసాయ సిబ్బందిని ఆదేశించినారు. ఎరువుల విక్రయ కేంద్రాల నిర్వహకులు ప్రతిరోజు సమయపాలన పాటించి, వచ్చిన ఎరువులను క్రమ పద్ధతిలో రైతులకు అందించాలని తెలిపారు. 
ఈకార్యక్రమంలో సంబంధిత అధికారులు తదితరులు పాల్గొన్నారు.