రాష్ట్రవ్యాప్తంగా స్థానిక సంస్థల ఎన్నికల్లో పెద్ద మొత్తంలో బిఆర్ఎస్ పార్టీ జెండా ఎగిరేల ప్రతి నియోజకవర్గం నాయకులు, కార్యకర్తలు గట్టిగా పని చేయాలని చేవెళ్ల చెల్లమ్మగా పేరుగాంచిన మాజీ మంత్రి, మహేశ్వరం ఎమ్మెల్యే పట్లోళ్ల సబిత ఇంద్రారెడ్డి పిలుపునిచ్చారు. రంగారెడ్డి జిల్లా చేవెళ్ల మండలం ముడిమ్యాల గ్రామ పరిధిలోని వ్యవసాయ క్షేత్రంలో బుధవారం సీసీఎంఎస్ చైర్మన్ పట్లోల్ల కృష్ణారెడ్డి,బిఆర్ఎస్ పార్టీ చేవెళ్ల మండల అధ్యక్షుడు పెద్దోళ్ల ప్రభాకర్,మార్కెట్ కమిటీ మాజీ డైరెక్టర్ గోనె కరుణాకర్ రెడ్డి ఆధ్వర్యంలో చేవెళ్ల మండల ముఖ్య కార్యకర్తల సమావేశం నిర్వహించారు.

ఈ సమావేశానికి ముఖ్యఅతిథిగా మాజీ మంత్రి, మహేశ్వరం ఎమ్మెల్యే పట్లోళ్ల సబితా ఇంద్రారెడ్డి హాజరయ్యారు. ఈ సందర్భంగా వారు మాట్లాడుతూ... రాష్ట్రంలో అబద్ధపు హామీలతో గద్దెనెక్కిన కాంగ్రెస్ ప్రభుత్వం 22 నెలల పాలనతోనే రాష్ట్ర ప్రజలు అనేక ఇబ్బందులు ఎదుర్కొనేలా పాలన కొనసాగుతుందని, ఏ పార్టీతో రాష్ట్రం సుభిక్షంగా కొనసాగిందో అనే విషయం రాష్ట్ర ప్రజలకు గ్రహిస్తూనే ఉన్నారని, రాష్ట్రంలో ఎక్కడికి వెళ్లినా ప్రజలు అనే మాట ఏమిటంటే అబద్ధపు మాటలు విని కెసిఆర్ ను దూరం చేసుకున్నామని ప్రజలు ఎంతగానో దిగులు చెందుతున్నారని అన్నారు. అసమర్ధత పాలనలో దసరా పండుగకు అందని బతుకమ్మ చీరలని, అదే మా కెసిఆర్ పాలనలో ప్రతి ఇంటి ఆడపడుచుకు చీర అందిందని, సంవత్సరానికి ఒకసారి వచ్చే దసరా పండుగకు ఆడపడుచులకు చీరను అందించని రేవంత్ ప్రభుత్వం ఆడపిల్లలకు ముఖం చూపించని విధంగా తయారైందని మండిపడ్డారు. నియోజకవర్గంలో ఉన్న నాయకులు,ప్రతి కార్యకర్త కాంగ్రెస్ పార్టీ రేవంత్ ప్రభుత్వానికి తగిన బుద్ధి చెప్పాలంటే "కాంగ్రెస్ బాకీ కార్డు" తో ప్రతి ఇంటికి వెళ్లి కాంగ్రెస్ పార్టీ చేస్తున్న మోసాల పట్ల క్లుప్తంగా వివరించాలని, రాష్ట్రంలో స్థానిక సంస్థల ఎన్నికల్లో వార్డ్ మెంబర్ నుండి మొదలుకొని సర్పంచ్, ఎంపీటీసీ, జడ్పిటిసి ఎన్నికల్లో అత్యధిక మెజారిటీతో గులాబీ జెండాను ఎగరవేయాలని రాష్ట్ర ప్రజలకు పూర్వ వైభవం దక్కేల కష్టపడాలని సూచించారు.

ఈ కార్యక్రమంలో బిఆర్ఎస్ పార్టీ నియోజకవర్గ మాజీ ఇంచార్జ్ దేశమల్ల ఆంజనేయులు, కనీస వేతనాల సలహా మండలి మాజీ చైర్మన్ నారాయణ, నియోజకవర్గ యూత్ అధ్యక్షులు వంగ శ్రీధర్ రెడ్డి, ముడిమ్యాల మాజీ సర్పంచ్ శేరి స్వర్ణలత దర్శన్, బిఆర్ఎస్వి రాష్ట్ర ప్రధాన కార్యదర్శులు శశి పాల్, దశరథ్, చేవెళ్ల మాజీ ఎంపీపీ కర్నె శివప్రసాద్, మండల యూత్ అధ్యక్షులు శేఖర్, హరితసేన ఇంచార్జ్ పృధ్వీరాజ్, బిఆర్ఎస్ పార్టీ సీనియర్ నాయకులు, కమ్మెట హనుమంత్ రెడ్డి, విగ్నేష్ గౌడ్, అబ్దుల్ ఘని, బ్యాగరీ సుదర్శన్, నాయకులు,కార్యకర్తలు తదితరులు పాల్గొన్నారు.

Namasthe Bharat

ఈ కార్యక్రమంలో పెద్దలు, యువత, చిన్నారులు సమిష్టిగా పాల్గొని బతుకమ్మను ఘనంగా నిర్వహించారు. పెద్దలు మాట్లాడుతూ తెలంగాణ సాంస్కృతిక సంప్రదాయాల్లో బతుకమ్మకు ఉన్న ప్రాముఖ్యతను వివరించారు. తారకరామా నగర్ మహిళలు అందరూ కలిసి సామరస్యంతో పండుగను జరుపుకోవడం విశేషం. స్థానిక మహిళలు పాడిన పాటలు, డ్యాన్సులు, ఆటలు కార్యక్రమానికి మరింత ఆకర్షణగా నిలిచాయి. కార్యక్రమం చివరగా బతుకమ్మను ఊరేగింపుగా తీసుకెళ్లి అంబిర్ చెరువులో నిమజ్జనం చేశారు.

తెలంగాణ రాష్ట్రమంతటా అంగరంగ వైభవంగా బతుకమ్మ పండుగను నిర్వహించాలని రాష్ట్ర ప్రభుత్వం లక్షల రూపాయలు ఏర్పాట్లకు ఖర్చు చేస్తున్నట్టు మీడియాలో అధికారులు తెలుపుతున్న రియాలిటీలో మరోలా ఉంది. శేరిలింగంపల్లి నియోజకవర్గం, కూకట్ పల్లి సిర్కిల్ 24, ఆల్విన్ కాలనీ డివిజన్, ఎల్లమ్మబండ శివారులో ఉన్న అంబిర్ చెరువు పై ప్రతి సంత్సరం భారీగా బతుకమ్మ కార్యక్రమంతో పాటు చెరువులో పేర్చిన బతుకమ్మలను నిమ్మజ్జనం చెయ్యటానికి మహిళలు పెద్ద ఎత్తున్న పాల్గొంటారు.

కానీ ప్రస్తుతం అంబిర్ చెరువు వద్ద పరిస్థితి వర్ణతీతంగా ఉంది. సద్దుల బతుకమ్మకు ఇంకా నాలుగు రోజులే ఉన్న ఎలాంటి ఏర్పాట్లు కనపడడం లేదు. ఎక్కడ వేసిన గొంగడి అక్కడే అన్నట్లుగా ఉంది. చేరువుపై చెత్త, తాగిపడేసిన మందు సీసాలు, మెట్లపై గాజుముక్కలు, పాత సోఫాలు, చెరువులో దుప్పట్లు దర్శనం ఇస్తున్నాయి. సరైన విద్యుత్ దీపాలు లేని కారణంతో చిమ్మచీకటిగా మారింది ఆప్రాంతం.

ప్రతి సంత్సరం లక్షల్లో బడ్జెట్ జారిచేస్తున్న అధికారులు సరైన ఏర్పాట్లు చెయ్యకపోవడాన్ని చూసి స్థానికులు మండిపడుతున్నారు. కనీస సౌకర్యాలు కలిపించాలని డిమాండ్ చేస్తున్నారు. చేరువుపై ఉన్న చెత్త, తాగిపడేసిన సీసాలు, మెట్ల పై గాజుపెంకలు, చెరువులో ఉన్న డెక్క చెత్తను వెంటనే తీసివేయ్యాలని కోరుతున్నారు స్థానికులు. హై వోల్టేజి విద్యుత్ దీపాలు సైతం బిగించాలని సూచించారు.

Namasthe Bharat

తెలంగాణా సంస్కృతి, సాంప్రదాయాలు  ప్రతిబింబించేలా బతుకమ్మ వేడుకలు నిర్వహించడం జరుగుతుందని ,  ప్రకృతికే అందం మన బతుకమ్మ సంబరమని జిల్లా కలెక్టర్ ప్రతీక్ జైన్  అన్నారు. శుక్రవారం  జిల్లా కలెక్టర్ కార్యాలయ ఆవరణలో జిల్లా డి ఆర్ డి ఎ, మెప్మా, ఉద్యానవన, శిశు సంక్షేమ,శాఖ ల అధ్వర్యంలో ఏర్పాటు చేసిన బతుకమ్మలతో బతుకమ్మ   కార్యక్రమాలు నిర్వహించారు.

ఈ కార్యక్రమానికి ముఖ్యఅతిథిగా హాజరైన జిల్లా కలెక్టర్ ప్రతీక్ జైన్ గౌరీమాత పూజ నిర్వహించి  బతుకమ్మ పండుగ కార్యక్రమాన్ని ప్రారంభించారు. ఈ సందర్భంగా డి ఆర్ డి ఎ, డి డబ్ల్యు ఓ అధికారుల అధ్వర్యంలో  ఏర్పాటు చేసిన బతుకమ్మ కార్యక్రమం లో పాల్గొని,  మహిళా ఉద్యోగులు స్వయంగా బతుకమ్మలను పేర్చి ఆయా శాఖల నుండి ఉద్యోగుల అందరితో కలిసి తీసుకొచ్చిన  బతుకమ్మలతో  పాటలు పాడుతూ సందడి చేసి కలెక్టరేట్ కు ప్రత్యేక శోభను తీసుకువచ్చారు.  జిల్లా కలెక్టర్ బతుకమ్మల వద్దకు వెళ్లి మహిళలతో బతుకమ్మ ఆట ఆడి బతుకమ్మ ఉత్సవానికి మరింత ఊపును తీసుకువచ్చారు.
 ఈ సందర్భంగా జిల్లా కలెక్టర్ మాట్లాడుతూ ప్రకృతికే అందం మన బతుకమ్మ సంబరమని ఇలాంటి బతుకమ్మ పండుగను కలెక్టర్ కార్యాలయంలో ఇంత ఆనందంగా జరుపుకోవడం సంతోషమన్నారు. ఈ కార్యక్రమంలో మహిళ ఉద్యోగులు ఆనందంగా ఉత్సాహంగా ఈ కార్యక్రమంలో పాల్గొని కలెక్టరేట్ కు  కొత్త శోభను తీసుకువచ్చారని అన్నారు.

అదేవిధంగా జిల్లా ప్రజలందరికీ బతుకమ్మ, దసరా పండుగ  శుభాకాంక్షలు తెలియజేశారు. ఈ కార్యక్రమంలో జిల్లా అదనపు కలెక్టర్ (రెవెన్యూ) లింగ్యా నాయక్, అదనపు కలెక్టర్ (స్తానిక సమస్తలు) సుదీర్, అసిస్టెంట్ కలెక్టర్ హర్ష్ చౌదరి, డి ఆర్ ఓ మంగీ లాల్, అడిషనల్ డిఆర్డిఏ నరసింహులు, శిశుసంక్షేమ అధికారి  కృష్ణవేణి, డి పి ఆర్ ఓ చెన్నమ్మ, డి పి ఓ జయసుధ,  డ్వాక్ర గ్రూప్ మహిళలు, ఇతర శాఖల జిల్లా అధికారులు,  అన్నిశాఖల మహిళా అధికారులు, ఉద్యోగులు తదితరులు పాల్గొన్నారు.

దేవి శరన్నవరాత్రులు ప్రారంభం కావడంతో భాగ్యనగరంలోని దేవలయాలన్ని ముస్తాబైయింది. విద్యుత్ దీపాల క్రాంతులతో వెలిగిపోతున్నాయి. భక్తులు భారీగా దేవాలయానికి చేరుకొని అమ్మవారిని దర్శించుకుంటున్నారు. దింతో భక్తుల తాకిడి గణనీయంగా పెరిగింది. ఈ తొమ్మిది రోజులు అమ్మవారి మాలను వేసుకున్నారు మహిళలు. భక్తిశ్రద్ధలతో ఈ దసరా పండుగను జరుపుకుంటామని తెలిపారు. అలాగే తీరొక్క పువ్వాలతో బతుకమ్మలను పేర్చి మహిళలు బతుకమ్మ ఆడారు.  వివిధ రకాల రంగురంగుల పువ్వులు అందరిని ఆకర్షించాయి.

ఏమేమి పువ్వొప్పునే గౌరమ్మ.. ఏమేమి కాయప్పునే గౌరమ్మ..

పూలను పూజిస్తూ, ప్రకృతిని ఆరాధిస్తూ మ‌హిళ‌లు అత్యంత వైభ‌వంగా నిర్వహించుకునే    బ‌తుక‌మ్మ పండగ అని జలగం నవ్య శ్రీ అన్నారు. ఆదివారం మహాలయ అమావాస్య సందర్భంగా  కూకట్ పల్లి నియోజకవర్గంలో  బతుకమ్మ వేడుకలో పాల్గొన్నారు. ఈ సందర్భంగా నవ్య శ్రీ మాట్లాడుతూ., సంస్కృతి సంప్రదాయలకు ఆడపడుచుల ఔన్నత్యానికి ప్రతీకైన బతుకమ్మ పండుగను ఆడపడుచులందరూ కలిసి తెలంగాణ రాష్ట్రంలో సంతోషంగా జరుపుకుంటారని అన్నారు.  మొదటి రోజు ఎంగిలిపూల బతుకమ్మ నుంచి మొదలై చివరి రోజు సద్దుల బతుకమ్మ వరకూ తొమ్మిది రోజుల పాటు బతుకమ్మ ఆటపాటలతో రాష్ట్రమంత పండుగల జరుపుకుంటారని తెలిపారు.

Namasthe Bharat