నమస్తే భారత్/భద్రాద్రి కొత్తగూడెం బ్యూరో: రుణాల విషయంలో నిజమైన బీసీలకు అత్యంత వెనుకబడిన కులాల లబ్ధిదారులకు న్యాయం చేయండి అంటూ బీసీ కార్పొరేషన్ వైస్ చైర్మన్ అండ్ మేనేజింగ్ డైరెక్టర్ మల్లయ్య బట్టుకి శుక్రవారం తెలంగాణ ఎస్సీ ఎస్టీ బీసీ మైనార్టీ విద్యార్థి యువజన సంఘం రాష్ట్ర ప్రధాన కార్యదర్శి కోట శివశంకర్ వినపత్రం అందించి విజ్ఞప్తి చేశారు. ఈ సందర్భంగా ఆయన మాట్లాడుతూ రాష్ట్రవ్యాప్తంగా బీసీ కార్పొరేషన్ రుణాలకు రాజీవ్ యువశక్తి పథకం కింద అనేకమంది బిసి విద్యార్థులు నిరుద్యోగ యువత బిసి కులాల్లో అత్యంత వెనుకబడినటువంటి మోస్ట్ బ్యాక్వర్డ్ క్లాసెస్ లోని నిరుద్యోగులు దరఖాస్తులు చేసుకోవడం జరిగిందని వీరందరికీ రుణాలు అందే విధంగా చూడాలని పేర్కొన్నారు. యువకులు ఉన్నత చదువులు చదువుకొని సొంత కాళ్ళ మీద ప్రభుత్వం అందించే ఆర్థిక సహాయంతో వ్యాపారాలని చేతివృత్తులను అభివృద్ధి చేయడానికి అనేకమంది యువత బిసి కార్పొరేషన్ లోన్లు అప్లై చేసుకున్నారని నీతి నిజాయితీగా పైరవీలకు తావు లేకుండా రాజకీయాల కతీతంగా నిజమైన లబ్ధిదారులకు నిజంగా యూనిట్లు స్థాపించి బిసి బిడ్డలకు విద్యార్థులకు యువతకు మహిళలకు న్యాయం చేయాలని తెలంగాణ ఎస్సీ ఎస్టీ బీసీ మైనార్టీ విద్యార్థి యువజన సంఘం ఆధ్వర్యంలో హైదరాబాదులో బీసీ కార్పొరేషన్ వైస్ చైర్మన్ అండ్ మేనేజింగ్ డైరెక్టర్ డాక్టర్ మల్లయ్య బట్టుని మర్యాదపూర్వకంగా కలిసివినతిపత్రం ఇచ్చినట్లు కోట శివశంకర్ తెలిపారు. రాష్ట్రవ్యాప్తంగా బీసీ విద్యార్థులు యువకులు అనేకమంది ఉన్నత చదువులు చదువుకొని నిరుద్యోగులుగా ఉన్నారని వివరించారు. తెలంగాణలో గత 15 సంవత్సరాల నుంచి ఉద్యోగాలు లేక ఉమ్మడి ఆంధ్రప్రదేశ్ లో ఒక 15 సంవత్సరాలు ఉద్యోగాలు లేక మొత్తం 30 సంవత్సరాలు చదువుకున్న చదువుకు తగ్గ ఉద్యోగం లేక అనేక మంది నిరుద్యోగులుగా మిగిలిపోవడం జరిగిందన్నారు. ముఖ్యంగా బీసీ కులాల విద్యార్థులు యువకులు బీసీలో అత్యంత వెనుకబడిన కులాలైనటువంటి అనేక ఉప కులాలు ఇంకా దారిద్రరేఖకు దిగువ ఉండి అత్యంత పేదరికం అనుభవిస్తున్నారని ఆవేదన వ్యక్తం చేశారు. ప్రభుత్వం అందించే ఆర్థిక సహాయంతో లబ్ధిదారులలో వెలుగులు నిండాలన్నారు. సబ్సిడీ ద్వారా అనేక యూనిట్లను స్థాపించే విధంగా ప్రభుత్వం చర్యలు తీసుకొని అవగాహన సదస్సులు ఏర్పాటుచేసి నిజమైన లబ్ధిదారులకు న్యాయం చేయాలని తెలంగాణ ఎస్సీ ఎస్టీ బీసీ మైనార్టీ విద్యార్థి యువజన సంఘం రాష్ట్ర ప్రధాన కార్యదర్శి కోట శివశంకర్ మల్లయ్య బట్టుకు విజ్ఞప్తి చేశారు.