నారాయణపేట జిల్లా / నమస్తే భారత్
 
అంతర్జాతీయ దివ్యాంగుల దినోత్సవం సందర్భంగా జిల్లా కలెక్టర్ సిక్తా పట్నాయక్ ఆదేశాల మేరకు  శనివారం జిల్లా కేంద్రంలోని మినీ స్టేడియంలో జిల్లా మహిళా,శిశు, దివ్యాంగులు,  వయోవృద్ధులు & ట్రాన్స్ జెండర్ల సాధికారత సంక్షేమ శాఖ ఆధ్వర్యంలో నిర్వహించిన దివ్యాంగుల  క్రీడా పోటీలు అట్టహాసంగా జరిగాయి. ఈ క్రీడా పోటీలకు ముఖ్య అతిథిగా హాజరైన ఎస్. జీ.ఎఫ్ జిల్లా కార్యదర్శి  శ్రీనివాస్ రెడ్డి మాట్లాడుతూ.దివ్యాంగులకు ఉల్లాసం,ఆత్మస్థైర్యం  కల్పించడం కోసమే ఈ క్రీడా పోటీలు నిర్వహిస్తున్నామని,దివ్యాంగులు అధికఇ సంఖ్యలో పాల్గొని జిల్లా స్థాయిలో నైపుణ్యం చూపాలని ఆకాక్షించారు.జిల్లాలో ప్రతిభ చూపిన వారిని హైదరాబాద్ లో జరిగే రాష్ట్ర స్థాయి క్రీడా పోటీలకు జిల్లా తరపున పంపించడం జరుగుతుందని ఆయన తెలిపారు. దివ్యాంగులు ఉత్సాహంగా ఈ క్రీడల్లో పాల్గొని తమలోని క్రీడా నైపుణ్యాన్ని చాటాలని పిలుపునిచ్చారు. కార్యక్రమంలో పాల్గొన్న  సీ డీ పీ వో జయ  మాట్లాడుతూ... జిల్లా కలెక్టర్, అదనపు కలెక్టర్ సహకారంతో ఈ క్రీడలను  నిర్వహించడం జరుగుతుందన్నారు.   వికలాంగులు ఐకమత్యంతో ఆనందంగా పోటీలలో పాల్గొనాలని కోరారు.  గెలిచినా..ఓడినా అందరూ సమానమే అని తెలిపారు. ఈ కార్యక్రమంలో ఎఫ్. ఆర్.ఓ  సాయి, డీ డబ్ల్యు ఓ సిబ్బంది, వికలాంగుల సంఘం జిల్లా అధ్యక్షులు  నగేష్ గౌడ్, అజీజ్ ఖాన్, కాశప్ప, రాధా, జిల్లాలోని వివిధ ప్రాంతాలకు చెందిన దివ్యాంగులు తదితరులు పాల్గొన్నారు.