రంగారెడ్డి జిల్లా షాద్ నగర్ పట్టణ కేంద్రంలోని ఎమ్మెల్యే ప్రభుత్వ క్యాంపు కార్యాలయం వద్ద శనివారం ఉద్రిక్తత వాతావరణం చోటుచేసుకుంది. నియోజకవర్గంలోని కొందుర్గు మండలం విగ్గిర్యాల గ్రామానికి చెందిన దస్తగిరి లింగం నిన్న కురిసిన అతి భారీ వర్షాలకు ప్రవహిస్తున్న వాగులోకి వెళ్లి మృత్యువు పాలయ్యాడు. ఉధృతంగా ప్రవహిస్తున్న వాగులోకి వెళ్లిన లింగం మరణించడంతో వాగు పై వంతెన లేని కారణంగా ప్రాణం పోయిందని ఆరోపిస్తూ బిజెపి కార్యకర్త ప్రశాంత్ తదితర గ్రామస్తులు బంధువులు లింగం శవంతో శనివారం షాద్ నగర్ పట్టణం వచ్చి ఎమ్మెల్యే క్యాంపు కార్యాలయం పక్కన రహదారిపై రాస్తారోకోకు దిగారు. ఈ సందర్భంగా పోలీసులకు ఆందోళనకారులకు మధ్య వాగ్వివాదం చోటుచేసుకుంది. పోలీసులు శవాన్ని రోడ్డుపై నుండి తీసివేస్తున్న సమయంలో బిజెపి కార్యకర్త ప్రశాంత్ తదితరులు స్థానిక ఎమ్మెల్యే క్యాంపు కార్యాలయంలోకి బలవంతంగా వెళ్ళాడు. కార్యాలయంలో ఆ సమయంలో ఎమ్మెల్యే శంకర్ లేరు. అయినప్పటికీ ఆగ్రహంతో ప్రశాంత్ కార్యాలయంలోకి చోచ్చుకు వెళ్లడంతో పరిస్థితి ఉదృతంగా మారింది. ప్రశాంత్ పెద్ద ఎత్తున పరుగులు తీస్తూ ఎమ్మెల్యే క్యాంపు కార్యాలయంలోకి వెళ్లడంతో ఆయన వెంటనే స్థానిక సర్కిల్ ఇన్స్పెక్టర్ విజయ్ కుమార్ తదితర సిబ్బంది పరుగులు తీశారు. ఈ సందర్భంగా ఇరువురి మధ్య వావివాదం జరగడంతో క్యాంపు కార్యాలయంలో ప్రశాంత్ అనుమతి లేకుండా దూసుకు వెళ్లడం పట్ల పోలీసులు ముందస్తు చర్యగా శాంతిభద్రతల పరిరక్షణ కోసం అతన్ని బలవంతంగా అదుపులోకి తీసుకోవాల్సి వచ్చింది. ఈ సందర్భంగా పోలీసులు లాఠీకి పని చెప్పారు. ప్రశాంత్ ను చొక్కా పట్టుకుని బయటికి ఈడ్చుకోవచ్చారు. అనంతరం అతన్ని అతనితోపాటు ఉన్నవారిని పోలీస్ స్టేషన్ కు తరలించారు. మృతుడు దస్తగిరి లింగం వెంకిర్యాల గ్రామానికి చెందిన వాడుగా స్థానికులు చెబుతున్నారు భార్య ముగ్గురు కుమార్తెలు ఉన్నారు స్థానిక ప్రైవేట్ ఆస్పత్రిలో హౌస్ కీపర్ గా అతని భార్య పనిచేస్తుంది తనను తీసుకోరావడానికి తంగేడుపల్లి గేట్ దగ్గరికి వెళ్లే క్రమంలో విశ్వనాథపూర్ తంగేళ్లపల్లి మధ్య వాగు ఉధృతంగా ప్రవహిస్తున్న సమయంలో అతను వాగు దాటి మృత్యుపాలు అయ్యాడు. ప్రమాద భరితంగా కొనసాగుతున్న వాగును చూసి కూడా నిర్లక్ష్యంతో దస్తగిరి లింగం వాగు దాటాడని స్థానికులు చెబుతున్నారు.

Namasthe Bharat

హైదరాబాద్ నగరాన్ని మూసి నది ముంచివేసింది. అనంతగిరి అడవుల్లో పుట్టి నల్గొండ మీదుగా ఆంధ్ర రాష్ట్రానికి పారె మూసి ఉగ్రరూపం దాల్చింది. హిమయాత్ సాగర్, గండిపేట నుండి భారీగా నీరు విడుదల చేయటంతో నదికి ఇరువైపులా వెలిసిన బస్తీలు పూర్తిగా నీట మునిగింది. పిల్లజల్లాలతో వారి ఇండ్లను ఇంట్లో సామాగ్రిని వదిలి ఇతర ప్రాంతాలను వెళ్లాల్సిన పరిస్థితితో ఆందోళన చందుతున్నారు.

ఇటు జియగూడా, పూరణాపూల్, ఎంజిబిఎస్ బస్టాండ్, ముసరంభాగ్ ప్రాంతాలు జలమయమయ్యాయి.

గత రెండు మూడు రోజుల నుండి ఎడతెరిపి లేకుండా వికారాబాద్ జిల్లాలో భారీ వర్షాలు కురవడంతో చేరువులన్ని నిండిపోయి దిగువ ప్రాంతానికి పారుతుండడంతో భారీగా హైదరాబాదుకు వరద సంభవించిందని, దీని ప్రభావం యాదాద్రి, సూర్యాపేట జిల్లాలోని కనిపిస్తుందని అధికారులు తెలిపారు. ఈసంఘటలో మహాత్మా గాంధీ బస్ స్టాండ్ నీట మునిగింది.

ఇప్పటికీ మూసి ప్రాజెక్టు యొక్క 9 గేట్లు ఎత్తి నీటిని దిగువ ప్రాంతానికి పంపుతున్నారు. నీట మునిగిన ప్రాంతాలను హైడ్రా కమీషనర్ పరిశీలించారు. వరద ప్రమాదలపై అధికారులు ఎప్పటికప్పుడు అప్డేట్ ఇస్తూ ప్రజలను అప్రమత్తం చేస్తున్నారు.

పూర్తిగా మునిగిన MGBS

మహాత్మా గాంధీ బస్ స్టాండ్ నీట మునిగిపోవడంతో బస్సుల కోసం ఎదురుచూస్తున్న ప్రయాణికులు అక్కడే ఇరుక్కున్నారు దింతో రంగంలోకి దిగిన DRF తడ్ల సహాయంతో ప్రయాణికులను బయటకు తీసుకోవచ్చారు. ఈ సందర్భంగా తెలంగాణ రాష్ట్ర రోడ్డు రవాణా సంస్థ ఓ ప్రకటన జారీచేసింది. ఈ ప్రకటనలో మూసీ వరదనీరు చేరిన నేపథ్యంలో ఎంజీబీఎస్ కు ప్రయాణికులు ఎవరూ రావొద్దని టీజీఎస్ఆర్టీసీ విజ్ఞప్తి చేస్తోంది. ఎంబీజీఎస్ నుంచి నడిచే బస్సులను ఇతర ప్రాంతాల నుంచి తిప్పుతున్నామని, ఆయా మార్గాల ద్వారా తమ గమ్యస్థానాలకు చేరుకోవాలని పేర్కొంది. వివరాలకు టీజీఎస్ఆర్టీసీ కాల్ సెంటర్ నంబర్లు 040-69440000, 040-23450033 సంప్రదించాల్సిందిగా సూచించింది. 

దీంతో ఎంజీబీఎస్ బస్ స్టేషన్ నుంచి బస్సుల రాకపోకలను టీజీఎస్ఆర్టీసీ తాత్కాలికంగా నిలిపివేసింది. ఎంబీజీఎస్ నుంచి బయలుదేరే బస్సులను హైదరాబాద్ లోని వివిధ ప్రాంతాల నుంచి సంస్థ నడుపుతోంది.

ఆదిలాబాద్, కరీంనగర్, మెదక్, నిజామాబాద్ వైపునకు వెళ్లే సర్వీసులు జేబీఎస్ నుంచి నడుస్తున్నాయి.

వరంగల్, హన్మకొండ వైపునకు వెళ్లేవి ఉప్పల్ క్రాస్ రోడ్స్ నుంచి వెళ్తున్నాయి.

సూర్యాపేట, నల్లగొండ, విజయవాడ వైపునకు బస్సులు ఎల్బీనగర్ నుంచి నడుస్తున్నాయి.

మహబూబ్నగర్, కర్నూల్, బెంగళూరు వైపునకు వెళ్లే సర్వీసులు ఆరాంఘర్ నుంచి వెళ్తున్నాయి.

Namasthe Bharat

రాష్ట్రంలో కుక్కకాటు మరణాలు కొనసాగుతున్నాయి. రేబిస్ వాక్సిన్ అవగహన లోపం కూడా అందుకు కారణం. పలు మున్సిపాలిటీ పరిధిల్లో కుక్కలు స్వైర విహారం చేస్తుండడం, వచ్చి పోయే వారిపై దాడికి పాలుపడి, అవికరావడం సర్వ సాధారణం అయ్యింది. ఇంట్లో పెంచుకునే శునకాలు, రోడ్డు పై స్వైర విహారం చేస్తున్న డాగ్స్ యొక్క  గోరు తగిలిన,  వాటి యొక్క లాల జాలం తగిలిన రేబిస్ వచ్చే అవకాశాలు ఉన్నాయని నిర్లక్ష్యం చెయ్యవద్దని హెచ్చరిస్తున్నారు వైద్యులు. వైరస్ లక్షణాలు (జ్వరం,  బలహీనత, తలనొప్పి, అయోమయంగా అనిపించడం,  నీళ్లను చూస్తే భయపడం) కనిపిస్తే ఆసుపత్రిలో చేరిన ప్రాణాలు రక్షించుకోవడం అసాధ్యం అని పిల్లి కర్చిన రేబిస్ వైరస్ సోకుతుందనితెలుపుతున్నారు ఎక్స్పర్ట్స్.

దింతో నిపుణులు కొన్ని సూచనలు చేసారు  :

• శునకాల నుండి తగినంత దూరంగా ఉండడం

• దాడికి పాలు పడిన వెంటనే పన్ను కాటు, గోరు కాటు, లేదా లాల జాలం తగిలిన చోట సాధ్యమైన త్వరగా  డేటాయిల్ లేదా సబ్బుతో కడగడం 

• అనంతరం స్థానిక ప్రభుత్వ లేదా ప్రైవేట్ ఆసుపత్రిలో వెళ్లడం 

• డాక్టర్లు సూచించిన విధంగా రేబిస్ వాక్సిన్ డోసులు తీసుకోవడం

• నిర్లక్ష్యం చేస్తే ప్రాణాలకే ప్రమాదం  

Namasthe Bharat

లంబాడీలను ఎస్టీ జాబితాలో చేర్చిన ఘనత కాంగ్రెస్ పార్టీది ఆనాటి ప్రధానమంత్రి స్వర్గీయ ఇందిరాగాంధీది అని అన్నారు. మంగళవారం స్థానిక మరిపెడ మున్సిపాలిటీ ఆర్ అండ్ బి గెస్ట్ హౌస్ నందు విలేకరుల సమావేశంలో మహబూబాబాద్ జిల్లా కాంగ్రెస్ పార్టీ యూత్ కాంగ్రెస్ వైస్ ప్రెసిడెంట్ జరుపుల విజయ్ నాయక్ మాట్లాడుతూ,1976 కి ముందు స్వతంత్ర భారతదేశంలో హైదరాబాద్ సంస్థానం విలీనం కాలేదు ఇది నిజాం పరిపాలన ఉండేది.ఆంధ్ర రాష్ట్రం 1956 సంవత్సరంలో మద్రాస్ నుంచి విడిపోయి తెలంగాణ హైదరాబాద్ ను కలుపుకొని ఆంధ్రప్రదేశ్ గా అవతరించబడింది అప్పుడు ఆంధ్ర లో ఉన్న లంబాడా సుగాలి బంజారా వీరు ఎస్టీలుగా పరిగణించారు. ఈ ఆధారంగా తీసుకొని తెలంగాణ రాష్ట్రంలో ఉన్న ఈ బంజారా లంబాడాలను సోనియా గాంధీ  రాజ్యాంగబద్ధంగా 1976లో ఎస్టీ జాబితాలో చేర్చారు ఎందుకనగా ఈ లంబాడాలకు ఒకే రకమైన వేషధారణ ఆహార అలవాటులు లిపి లేకపోవడం ఒకే రకమైన భాష కలిగి ఉండడం వల్ల వీరిని ఎస్టీ జాబితాలో చేర్చు చేశారు. 1831 సంవత్సరంలో బ్రిటిష్ కాలంలో వీరిని క్రిమినల్ ట్రైబ్స్ గా గుర్తించబడ్డారు ట్రైబ్స్ అదే కాకుండా గోల్కొండ కోటలో ఇప్పటికీ బంజారా దర్వాజా మరియు హైదరాబాదులో బంజారాహిల్స్ బంజరులో ఎక్కువగా నివసించే ప్రాంతాన్ని ఇప్పుడు బంజారాహిల్స్ గా చెబుతున్నారు. ఇదే కాకుండా చిత్తూరు జిల్లా తిరుమల తిరుపతి దేవస్థానంలో హథిరాం బాబాజీ ఒక బంజారా బిడ్డ తిరుమల తిరుపతి వెంకటేశ్వర స్వామి సేవకుడిగా ఇప్పటికీ అతని మఠము అక్కడే కలదు. వీటికి సంబంధించిన ఇంకా మరెన్నో ఆధారాలు మేము మీకు చూపియగలము ఇవన్నీ తెలుసుకోకుండా కావాలనే మా లంబాడ బంజారా పైన అనైక్యంగా రాజకీయ లబ్ధి కోసం దూసిస్తున్న వారిని మా గత చరిత్ర తెలుసుకోవాలని ఇతవు పలుకుతున్న. గిరిజన బిడ్డలమైన మేము.అన్నదమ్ములాగా జీవిస్తున్న తరుణంలో రాజకీయ లబ్ధి కోసం స్వయం బాబురావు తేల్లం వెంకటరావు గిరిజన తెగల మధ్య గొడవ పెట్టడం తీవ్రంగా ఖండిస్తున్నాను. డోర్నకల్ ఎమ్మెల్యే ప్రభుత్వ విప్ జాటోత్ రాంచందర్ నాయక్ గిరిజనుల పట్ల ఎనలేని సేవలు గత 10 సంవత్సరాల నుంచి చేస్తున్నారు. అదే డోర్నకల్ ప్రజలు అంటే మా నాయకుడికి ఎనలేని ప్రేమ  మాకు ఎప్పుడు సమస్య వచ్చినా నేనున్నాను అని ప్రజల మధ్యకు వచ్చి సమస్యని వెంటనే పరిష్కరించి మా వెంట ఉండి నడిచే నాయకుడి పైన కావాలనే కుట్రపూరితంగా బంజారా జాతి సంఘాల విద్యార్థి నాయకులు కొంతమంది నాయకులు వారి స్వార్థం కోసం వాళ్ల మోచేతు నీళ్లను తాగి మా నాయకుడి పైన ఆధారాలు లేని నిందలను మోపుతున్నారు.కొంతమంది లంబాడీలపై లంబాడీలను ఆసరాగా చేసుకుని లంబాడ కుల జాతి సంఘాలు పెట్టుకుని ఈరోజు ఈ క్లిష్టమైన పరిస్థితిలో లంబాడీలు అందరూ ఏకతాటిపై నడవాల్సిన రోజున ఎవరి రాజకీయ లబ్ధి కోసం వారు లంబాడీల నాయకులను విమర్శించడం సబబు కాదని అలాంటి వారిని లంబాడీలు బుద్ధి చెప్పే రోజు దగ్గర్లోనే ఉన్నదని హెచ్చరించారు. ఈ తరుణంలో డోర్నకల్ ఎమ్మెల్యే రాంచందర్ నాయక్  లంబాడీలకు అన్యాయం జరగవద్దని ఉద్దేశంతో తెలంగాణ రాష్ట్రంలో పార్టీలకు అతీతంగా ఉన్న  బంజారా జాతి మేధావులు, మరియు అన్ని పార్టీల బంజారా ఎమ్మెల్యేలు, ఎంపీలను అందరినీ కలుపుకొని గౌరవనీయులు తెలంగాణ రాష్ట్ర డిప్యూటీ స్పీకర్ ప్రభుత్వ విప్ డోర్నకల్ శాసనసభ్యులు డాక్టర్ రాంచందర్ నాయక్ , తెలంగాణ ముఖ్యమంత్రి శ రేవంత్ రెడ్డి ని కలిసి వినతి పత్రం అందజేయడం జరిగింది. ఇలాంటి నాయకుని పట్టుకొని హైదరాబాదులో ఇంద్ర పార్క్ వద్ద బంజారాల ఆత్మీయ సభలో భాగంగా మన బంజారా జాతి బిడ్డలు అందరూ కలిసి మన జాతి కోసం  పోరాటం చేస్తున్న  తరుణంలో కొందరు బంజారా జాతి కుల సంఘాల నాయకులు మన బంజారా ముద్దుబిడ్డ 15 సంవత్సరాలు తన డాక్టర్ వృత్తిని పక్కనపెట్టి ప్రజా సంక్షేమమే తన సంక్షేమం గా భావించిన అనునిత్యం గిరిజనుల హక్కుల పోరాటాలకై పాటుపడుతున్న మన అందరివాడు  తెలంగాణ డిప్యూటీ స్పీకర్ ప్రభుత్వ విప్ డోర్నకల్స్ శాసనసభ్యులు డాక్టర్ రామచంద్రనాయక్ జాతి ద్రోహి కాదు మన బంజారా జాతి మిత్రుడు.ఇదే కాకుండా తెలంగాణ రాష్ట్ర కాంగ్రెస్ ప్రభుత్వం ఏర్పాటైన కానుంచి తెలంగాణలో ఉన్న బంజారా సుగాలి లంబాడాలకు ఆర్ అండ్ బి ఈఎంసి గా మోహన్ నాయక్ సార్,ఒక ఉమెన్ యూనివర్సిటీ వైస్ ఛాన్స్లర్ గా సూర్య ధనంజయ్ ,తెలంగాణ రాష్ట్ర పబ్లిక్ సర్వీస్ కమిషనర్ సభ్యులుగా లక్ష్మీ రాథోడ్ , రిటైర్డ్ ఐఏఎస్ శరత్ సార్ ని రెడ్డికో చైర్మన్గా, మరి ఎన్నో ఉత్తమ పదవుల్లో మన బంజారా బిడ్డల్ని జాతిని గౌరవించి గుర్తించి ఈరోజు కాంగ్రెస్ ప్రభుత్వం రాష్ట్ర ముఖ్యమంత్రివర్యులు మరియు మన ప్రియతమ నాయకుడు రామచంద్రు నాయక్  ఆధ్వర్యంలో ఈ అన్ని చెయ్యగలిగామని మిమ్మల్ని తెలియపరుస్తున్నాను. అదేవిధంగా ఈ ఐదు సంవత్సరాలు కాదు ఇంకా 20 సంవత్సరాలు డోర్నకల్ స్థానిక ఎమ్మెల్యే ఇక్కడే చేస్తారు అనీ మిమ్మల్ని తెలియపరుస్తున్నాను. అలాంటిది వారిపై అనుచిత వాక్యాలు చేస్తే ఖబర్దార్ అని హెచ్చరిస్తున్న. కొందరు గిరిజన సంఘాల కుల నాయకులు వారు చేసిన అనుచిత వాక్యాలను తక్షణమే ఉపసంహరించుకోవాలని డిమాండ్ చేస్తున్నాను.

Namasthe Bharat