ఆరోగ్య శాఖ ఆధ్వర్యం లో వైద్యులకు అవార్డ్స్
జిల్లా వైద్యాధికారి వెంకటేశ్వర్ రావు, వైద్యులు విజయ పూర్ణిమ
నమస్తే భారత్, రాజేంద్రనగర్, జులై 18. ప్రజారోగ్యం కోసం నిబద్ధతతో పనిచేస్తున్న వైద్యులకు ఎప్పటికీ గుర్తింపు ఉంటుందని రంగారెడ్డి జిల్లా వైద్యాధికారి వెంకటేశ్వరరావు డాక్టర్ విజయపూర్ణిమ అన్నారు. హైదరాబాదులోని ఎల్బీనగర్ కామినేని హాస్పిటల్ లో గురువారం రంగారెడ్డి జిల్లా ఆరోగ్యశాఖ అవార్డుల ప్రధానోత్సవ కార్యక్రమాన్ని ఏర్పాటు చేశారు. ఇందులో జిల్లా మొత్తం ఐదు డివిజన్లకు చెందిన వివిధ ఆరోగ్య సిబ్బందికి బెస్ట్ పెర్ఫార్మన్స్ అవార్డులు ప్రధానం చేశారు. ఈ కార్యక్రమంలో రాజేంద్రనగర్ డివిజన్ నుండి అసన్ నగర్ యు పి హెచ్ లో విధులు నిర్వహిస్తున్న ఫార్మసిస్ట్ ఏరువ వందన, కు ఫార్మాసిస్ట్ క్యాడర్లో బెస్ట్ ఫర్మారర్ ఎంపిక చేసి అవార్డుతో సత్కరించారు. ఈ అవార్డును జిల్లా వైద్య ఆరోగ్య అధికారి డాక్టర్ వెంకటేశ్వర్లు, ఉప జిల్లా వైద్యాధికారి డాక్టర్ విజయపూర్ణిమ చేతులమీదుగా అందజేశారు. ఈ సందర్భంగా వైద్యాధికారులు మాట్లాడుతూ ప్రజారోగ్యం కోసం నిబద్ధతతో సేవలందిస్తున్న సిబ్బందిని గుర్తించడమే ఈ అవార్డుల ముఖ్య ఉద్దేశం అన్నారు. ఫార్మసిస్ట్ వందన ఎంతో పరిశుద్ధతతో సమయపాలనలో విధులు నిర్వహిస్తూ ప్రజల అభినందనలు పొందుతున్నారని వారు అన్నారు. అదేవిధంగా ఇతరులు కూడ ఆమెకు ఆదర్శంగా నిలుస్తారని అన్నారు.
అవార్డు రావడం నాకు చాలా గర్వకారణం
ఫార్మసిస్ట్ క్యాడర్లో బెస్ట్ ఫర్ఫార్మర్గా అవార్డు రావడం చాలా గర్వకారణంగా ఉందని వందన అన్నారు. అంతేకాకుండా సేవల పట్ల మరింత బాధ్యతను పెంచిందని, నా కృషిని గుర్తించి గౌరవించిన అధికారులకు హృదయపూర్వక కృతజ్ఞతలు తెలుపుతున్నానని ఈ గౌరవాన్ని నా రాజేంద్రనగర్ డివిజన్ కు అంకితం చేస్తున్నానని ఆమె అన్నారు. ఈ కార్యక్రమంలో వైద్య సిబ్బంది తదితరులు పాల్గొన్నారు.
.jpeg)
